49:64  homini  difficilius  persuadetur  quam  ut  sibi  omnia  derogans  accepta  Deo  referat:  quamquam  huius  novae  demonstrationis  data  opera  fit  mentio,  ut  oculos  ad  spectandum  aperiant  Iudaei.  In  hoc  tempore.  Quod  omnium  temporum  perpetuum  fuit,  refert  ad  diem  exhibiti  Christi1):  neque  immerito.  Quod  enim  sub  involucris  olim  obscure  cognitum  fuerat,  palam  manifestavit  Deus  in  filio  suo.  Ita  Christi  adventus  tempus  fuit  beneplaciti  et  dies  salutis.  Omnibus  quidem  saeculis  iustitiae  suae  testimonium  aliquod  reddidit  Deus:  sed  ubi  sol  iustitiae  illuxit,  longe  clarior  apparuit.  Notanda  igitur  est  veteris  et  novi  testamenti  comparatio  :  quia  tunc  demum  revelata  fuit  liquido  Dei  iustitia,  quando  exhibitus  fuit  Christus.  Ut  sit  ipse  iustus.  Definitio  est  illius  iustitiae,  quam  dato  Christo  ostensam  fuisse  dixit  :  sicuti  primo  capite  docuerat  patefieri  in  evangelio.  Duobus  autem  membris  eam  constare  affirmat.  Prius  est,  Deum  esse  iustum,  non  quidem  ut  unum  ex  multis:  sed  qui  solus  in  se  omnem  iustitiae  plenitudinem  contineat.  Neque  enim  integra  et  solida  laus,  qualis  debetur,  ei  aliter  tribuitur,  quam  dum  solus  obtinet  iusti  nomen  et  honorem,  toto  humano  genere  iniustitiae  damnato.  Alterum  deinde  membrum  statuit  in  iustitiae  communicatione,  dum  scilicet  suas  divitias  Deus  apud  se  minime  tenet  suppressas,  sed  in  homines  effundit.  Ergo  in  nobis  relucet  Dei  iustitia,  quatenus  nos  fide  Christi  iustificat.  Frustra  enim  datus  in  iustitiam  Christus  foret,  nisi  fruitio  ex  fide  accederet.  Unde  sequitur,  omnes  in  se  iniustos  esse  ac  perditos  donec  e  coelo  oblatum  fuerit  remedium2).  27.  Ubi  ergo  gloriatio?  Exclusa  est.  Per  quam  legem?  operum?  Nequaquam:  sed  per  legem  fidei.  28.  Constituimus  ergo,  fide  iustificari  hominem  sine  operibus  legis.  21.  Ubi  ergo  gloriatio3)  ?  Postquam  satis  superque  firmis  rationibus  homines  ab  operum  fiducia  deiecit  apostolus,  iam  eorum  vanitati  insultat.  Necessarium  vero  erat  hoc  epiphonema:  quoniam  in  hac  *)  Ante  enim  iustitiae  huius  revelatio  in  promissionibus  et  sacramentis  exstabat.  Tunc  promissiones  et  sacramenta  re  ipsa  suum  complementum  habuerunt,  quia  in  ipso  confirmantur  demum  ac  stabiliuntur.  2)  Nunquam  ergo  integrum  ac  solidum,  ac  quale  debetur,  testimonium  redditur  Dei  iustitiae,  nisi  quum  solam  hanc  esse  dignam  hoc  honore  agnoscimus  et  fatemur,  universis  hominibus  iniustitiae  damnatis.  Unum  enim  Deum  oportere  iustum  praedicari  intelligit.  Deinde  iustitiae  ac  bonitatis  amplitudo  in  hoc  se  profert  quod  in  homines  quoque  eius  communicationem  effundit.  Quicunque  enim  iusti  sunt,  non  aliter  iustificantur  quam  ex  fide  Christi:  sunt  enim  alioqui  omnes  impii.  Iustificantur  ergo  quia  iusti  censentur,  etiam  si  non  sunt,  dum  illis  imputatur  in  iustitiam  Christi  obedientia.  3)  Egregium  ,  epiphonema,  quo  nostrae  vanitati  insultat  apostolus,  satis  iam  multis  rationibus  contusae  ac  prostratae.