45:64  angelus,  hic  alter  fuit  ex  duobus  ordinariis  revelationum  modis,  quorum  fit  mentio  Numerorum  capite  12,  7,  ubi  sic  loquitur  Deus:  Prophetis,  qui  inter  vos  erunt,  vel  per  visionem,  vel  per  somnium  me  aperiam  :  at  non  sic  cum  servo  meo  Mose,  c  ai  facie  ad  faciem  me  ostendo.  Sciendum  autem  est,  eius  generis  somnia  multum  a  naturalibus  differre:  quia  insculptam  habent  certitudinis  notam,  et  divinitus  obsignantur,  ut  minime  ambigua  sit  eorum  veritas.  Somnia  quae  communiter  hominibus  eveniunt,  vel  ex  cogitationibus  diurnis,  vel  ex  naturae  constitutione,  vel  ex  corporibus  male  affectis,  vel  similibus  causis  oriri  solent:  ad  divina  autem  somnia  accedit  interim  spiritus  testimonium,  quod  certo  confirmet,  Deum  esse  qui  loquitur.  Fili  David  y  ne  metuas.  Ista  angeli  exhortatio  significat,  anxium  animi  fuisse  Ioseph,  ne  qua  se  contagione  pollueret  adulterium  uxoris  tolerando.  Quam  ergo  sceleris  conceperat  opinionem  tollit,  ut  tranquilla  conscientia  cum  uxore  habitet.  Epitheton  filii  Davidis  aptavit  ad  praesentem  causam,  ut  eius  mentem  in  sublime  illud  mysterium  attolleret:  quia  esset  ex  ea  familia,  et  quidem  superstes  cum  paucis,  unde  promissa  erat  mundo  salus.  Ioseph  itaque  audito  Davidis  nomine,  a  quo  genus  ducebat,  revocare  in  memoriam  debuit  insigne  illud  Dei  pactum  de  instauratione  regni,  ut  nihil  iam  novum  sibi  dici  agnosceret.  Perinde  ergo  est  ac  si  angelus,  allatis  in  medium  prophetarum  vaticiniis,  pararet  animum  Ioseph  ad  amplexandam  praesentem  gratiam.  21.  Vocabis  nomen  eius  Iesum.  De  ipsa  voce  breviter  quidem,  sed  quantum  satis  erat,  supra  disserui.  Nunc  unum  addam  duntaxat,  refutari  angeli  verbis  eorum  delirium,  qui  a  Iehova,  essentiali  Dei  nomine,  deducunt:  causam  enim  exprimit  angelus,  cur  ita  vocandus  sit  filius  Dei,  Quia  populum  suum  servabit.  Unde  elicitur  contraria  etymologia,  quam  illi  fingant.  Ac  frustra  isto  cavillo  elabi  conantur,  proprie  et  apte  subiici,  Christum  fore  salutis  autorem,  quia  aeternus  sit  Deus.  Neque  enim  hoc  agitur  solum,  quid  nobis  Deus  praestet:  sed  filio  eius  ex  re  nomen  imponitur  ex  mandato,  quod  illi  iniunctum  est  a  patre,  ex  officio  quo  praeditus  ad  nos  descendit.  Iam  vero  plus  quam  insulsum  est,  quum  duae  istae  voces  Iesu  et  Iehova  non  nisi  in  duabus  literis  conveniant,  in  aliis  autem  differant,  quae  nihil  habent  prorsus  inter  se  affinitatis  simul  miscere,  quasi  unum  sit  nomen.  Tale  conflandi  genus  alchumistis  relinquo,  quibus  non  multum  absimiles  sunt  cabbaiistae,  qui  putidas  istas  inanesque  argutias  nobis  fabricant.  Ergo  filius  Dei,  quum  ad  nos  carne  indutus  prodiit,  simul  accepit  a  patre  nomen,  ex  quo  palam  fieret,  quem  in  finem  venerit,  quae  sit  eius  virtus,  et  quid  proprie  ab  eo  sit  exspectandum.  Radix  enim  nominis  Iesu  est  ab  he-