42:64  selon  son  degre  s'emploie  a  maintenir  la  pure  doctrine  de  salut  :  il  est  vray  que  tous  ne  pourront  pas  faire  cela  esgallement,  mak  ceux  qui  auront  receu  plus  d'intelligence  que  ceux-la,  monstrent  le  chemin,  qu'ils  soient  comme  les  porte-enseignes,  qu'ils  appelent  et  convient  les  autres,  et  au  reste  que  les  ignorans  ne  pensent  point  avoir  d'excuses,  quand  ils  diront,  nous  ne  sommes  point  clercs,  nous  n'avons  point  este  a  l'escole,  nous  n'avons  point  hante  les  lettres,  souffres,  souffres  d'estre  enseignes,  souffres  d'estre  instruits  et  confermes.  Et  comment  cela?  Quand  Dieu  fait  cette  grace  qu'il  y  en  ha  d'aucuns  qui  monstrent  le  chemin,  il  faut  que  nous  soions  attentifs  a  les  escouter,  car  si  nous  ne  recevons  doctrine  d'eux,  nous  serons  plus  qu'inexcusables,  que  pourrons-nous  dire  sinon  que  par  nostre  laschete  nous  aurons  delaisse  nostre  Dieu,  et  que  nous  n'aurons  tenu  compte  de  tendre  a  luy  quand  il  nous  y  appeloit?  voila  donc  ce  que  nous  avons  a  recueillir  en  ce  passage  ou  il  est  dit,  que  les  prudens  enseigneront  et  donneront  instruction,  a  ceux  qui  en  auront  mestier,  lors  que  l'Eglise  de  Dieu  sera  affligee.  Or  notamment  l'ange  adiouste  que  ceux  ici  trebuscheront  par  l'espee,  et  par  le  feu,  iusques  a  quelque  temps,  qu'ils  seront  comme  un  peuple  expose  en  proie,  et  en  pillage,  en  cela  il  signifie  qu'il  n'y  aura  pas  une  liberte  d'enseigner,  que  cela  ne  se  fera  point  sans  danger,  mais  il  faudra  que  ceux  qui  edifieront  leurs  prochains  exposent  quant  et  quant  leur  vie  en  sacrifice  a  Dieu  :  voila  donc  iusques  la  ou  il  nous  faut  venir,  quand  Dieu  nous  ha  fait  la  grace  de  retenir  en  son  obeissance,  ceux  qui  sont  en  danger  d'estre  esbranles  par  les  meschans,  et  ennemis  de  la  foy.  Or  il  ne  faut  pas  seulement  que  nous  prenions  peine,  et  de  parler  et  dire,  mais  il  faut  que  nostre  vie  s'expose  la,  qu'elle  ne  nous  soit  point  si  precieuse,  que  nous  ne  soions  prests  de  rendre  par  icelle  tesmoignage  a  la  verite  de  Dieu:  or  il  est  vray  que  ceci  est  dur  et  difficile  a  la  chair,  mais  quoy?  Avisons  que  c'est  du  nom  de  nostre  Dieu,  car  si  Dieu  doit  eBtre  glorifie,  comment  le  sera-il,  sinon  qu'il  soit  conneu  par  sa  parole,  et  qu'on  l'adore  comme  il  apartient?  Si  donc  cette  doctrine  qui  est  contenue  en  la  loy,  aux  prophetes,  et  en  l'Evangile,  est  abolie,  que  deviendra  la  gloire  de  Dieu,  si  nous  souffrons  qu'elle  soit  aneantie  pour  sauver  nos  vies.  Helas!  voila  une  bien  mauvaise  comparaison  que  cette  ci,  qu'une  bouffee  de  vent  soit  plus  precieuse  que  la  gloire  de  Dieu.  Et  qu'est-ce  de  la  vie  humaine,  sinon  une  bouffee  de  vent?  ie  di  la  vie  que  nous  avons  en  ce  monde,  car  il  n'est  pas  ici  question  de  quitter  la  vie  eternelle,  mais  plustost  d'y  parvenir,  comme  nostre  Seigneur  nous  y  avance,  quand  il  nous  appele  pour  souffrir  martire  pour  sa  parole,  et  pour