41:64  siam  fere  singulis  diebus  perituram,  nisi  mirabiliter  eam  Deus  servaret  per  manum  filii  sui  unigeniti?  Ergo  hoc  sensu  accipere  convenit  quod  dicitur,  regnum  eius  fore  regnum  saeculi.  Et  hinc  ad  nos  pervenit  non  vulgaris  consolatio,  dum  videmus  ecclesiam  iactari  inter  diversos  fluctus,  et  fere  etiam  obrui  ac  demergi  multis  naufragiis:  fieri  tamen  non  posse  quin  semper  manum  porrigat  Christus,  ut  ipsam  servet,  quamvis  hoc  fiat  sub  tristi  et  horribili  etiam  mortis  specie.  Iam  sequitur,  15.  Succisus  fuit  spiritus  meus  mihi  Danieli  (vel,  evanuit,  aut,  defecit  spiritus  meus  mihi  Danieli)  in  medio  corporis  (aut,  vaginae,  proprie:  sed  hic  metaphorice  transfertur  nomen  hoc  ad  corpus):  et  visiones  capitis  mei  terruerunt  me.  16.  Accessi  ad  unum  ex  his  qui  aderant,  et  sciscitatus  sum  ex  eo  veritatem  super  his  omnibus:  et  dixit  mihi,  et  enarrationem  sermonum  patefecit  mihi.  Dicit  Daniel  spiritum  vel  sibi  fuisse  succisum,  vel  evanuisse,  quasi  passus  fuerit  deliquium  mentis.  Et  hoc  modo  Deus  voluit  servum  suum  commonefacere  de  magnitudine  visionis.  Et  nobis  etiam  commendat  visionis  huius  reverentiam,  ne  scilicet  frigide  quasi  in  re  vulgari  versemur,  sed  sciamus  Deum  hic  mysteria,  quae  humano  S6nsu  alioqui  comprehendi  non  poterant,  et  Danieli  servo  suo,  et  per  eius  operam  ac  ministerium  nobis  aperuisse.  Nam  si  hoc  contigit  Danieli,  ut  deficeret  ac  prope  evanesceret  eius  spiritus,  quem  tamen  scimus  fuisse  eximium  prophetam:  certe  nos  qui  adhuc  tenuiter  profecimus  in  mysteriis  Dei,  imo  qui  vix  gustavimus  prima  rudimenta,  nunquam  poterimus  assequi  tantam  altitudinem,  nisi  superemus  mundum,  et  terrenos  omnes  sensus  excutiamus:  quia  haec  res  non  potest  perspici,  nisi  liquida  mente  et  bene  purgata.  Dicit  ergo  primo  loco,  spiritum  suum  fuisse  excisum,  vel  evanuisse,  in  medio  corpore,  quasi  diceret  se  fuisse  tanquam  exanimem  vel  similem  mortuo.  Et  rationem  adiunxit,  quod  scilicet  visiones  capitis  eum  terruerant.  Nam  posset  fieri,  sicuti  etiam  saepe  accidit,  ut  quis  evanescat,  sed  sine  causa.  Videmus  enim  ut  quosdam  abripiat  panicus  aliquis  terror,  ut  vocant,  et  ita  iam  non  sint  mentis  compotes,  sed  iaceant  tanquam  exanimati.  Daniel  autem,  ut  ostendat  se  non  fuisse  unum  ex  illorum  numero,  dicit  se  fuisse  territum,  vel  turbatum,  visionibus  capitis  sui:  quasi  diceret,  non  de  nihilo  se  fuisse  turbatum,  sed  quoniam  ita  ferebat  mysterium  hoc,  cuius  visio  oblata  fuerat.  Iam  adiungit,  se  venisse  ad  unum  ex  adstantibus.  Dixerat  autem  paulo  ante,  decies  mille  et  decies  centena  millia  praesto  fuisse  ad  tribunal  Dei.  Non  dubium  igitur  quin  propheta  unum  aliquem  ex  angelis  interrogaverit.  Et  hic  notanda  est  eius  modestia  et  docilitas,