33:64  iamais  ils  ne  sont  eslongnez  de  nous,  qu'ils  ne  cerchent  les  moyens  pour  trouver  entree:  si  tost  qu'il  y  a  quelque  petite  bresche,  ils  entrent  a  nous  pour  nous  precipiter  en  perdition  eternelle,  et  nous  sommes  surprins  devant  que  nous  ayons  cuide  estre  assaillis:  comme  chacun  cognoist  par  experience,  que  nous  ne  sentons  point  quand  le  diable  nous  est  prochain,  et  cependant  nous  voyla  navrez  a,  mort.  Parquoy  quand  nous  sentirons  quelque  mauvais  desir  en  nous,  que  l'un  sera  mene  d'une  concupiscence  mauvaise,  l'autre  de  ceci,  l'autre  de  cela  :  notons  que  c'est  l'ennemi  qui  besongne  ainsi  finement.  Voila  donc  comme  par  effect  nous  cognoissons  que  les  diables  machinent  a  l'encontre  de  nous:  voire  ceux  a.  qui  Dieu  a  donne  la  prudence  le  cognoissent,  car  les  meschans  et  les  reprouvez,  combien  que  le  diable  les  possede,  et  qu'il  besongne  en  eux  avec  toute  efficace  (comme  sainct  Paul  en  parle  aux  Thessaloniciens)  (2.  The.  2,  9)  toutesfois  ils  n'ap-.  percoyvent  pas  que  le  diable  soit  rien,  et  ne  se  font  que  mocquer  de  tous  leurs  vices:  ils  sont  ensorcelez  a  mal  tellement  qu'ils  ne  le  sentent  point:  car  ils  sont  stupides,  comme  sainct  Paul  en  parle  en  un  autre  lieu  (Ephes.  4,  19).  Mais  les  fideles  quand  ils  auront  leur  ame  infectee  de  quelque  mauvaise  affection,  que  Satan  aura  tant  brasse,  qu'il  aura  entree  en  eux,  ils  cognoistrons  que  c'est  Satan  qui  les  a  .surprins,  et  qu'ils  ne  se  sont  point  apperceus  quand  il  leur  a  donne  la  bataille,  et  l'alarme.  Or  il  ne  faut  point  que  nous  attendions  une  telle  espreuve,  mais  craignons  en  croyant  a  ce  qui  est  dit,  car  Dieu  monstre  le  soin  qu'il  a  de  nous,  et  comme  il  ne  veut  pas  que  nous  soyons  surprins  par  faute  d'avoir  cogneu  nos  adversaires,  quand  il  nous  dit,  que  les  diables  circuissent  tousiours  la  terre,  chassans  apres  la  proye.  Si  on  nous  disoit  que  les  ennemis  sont  prochains,  et  qu'il  y  eust  quelque  bandes  qui  deussent  venir  ici,  chacun  seroit  sur  ses  gardes:  on  adviseroit  tous  les  moyens  de  se  defendre,  et  de  leur  resister.  Et  pourquoy  cela?  A  cause  que  nous  sommes  charnels,  et  nous  avons  soin  de  garder  ceste  vie  caduque.  Or  voici  Satan  qui  est  nostre  ennemi,  il  a  des  cautelles,  et  des  astuces  plus  dangereuses,  et  plus  meschantes  que  tous  les  ennemis  du  monde,  il  demande  a  precipiter  tout  en  ruine:  nous  savons  la  puissance  qu'il  a,  comme  desia  il  a  este  traitte:  il  est  dit  notamment,  qu'il  est  prochain  de  nous,  et  qu'il  nous  assiege  de  tous  costez,  et  qu'il  a  mille  moyens  de  nous  circonvenir.  Quand  tout  cela  nous  est  dit,  s'il  ne  nous  en  chaut,  n'est-ce  pas  signe  qu'il  y  a  une  stupidite  plus  que  brutalle,  et  que  nous  ne  pensons  point  a  la  vie  celeste,  et  que  nous  ne  concevons  rien,  sinon  ce  que  nous  voyons,  tout  ainsi  que  les  bestes  brutes?  Or  si  faut-il  que  ceste  doctrine  nous  profite,  quand  il  nous  est  declare,