31:64  non  est,  in  Deo  acquiescere.  Rursum  vero  fideles,  quamvis  inter  multas  molestias  vexentur,  hoc  uno  vere  beatos  esse,  quia  illis  refulget  paterna  Dei  facies,  quae  omnes  tenebras  illuminat,  mortemque  ipsam  vivificat,  ut  ita  dicam.  8.  (Dedisti  laetitiam.)  Altera  comparatione  vim  sui  affectus  melius  exprimit  atque  illustrat,  quod  scilicet  bonum  illud  quod  optaverat  adeptus,  minime  invideat  aliorum  opulentiae  et  deliciis,  sed  praeclare  contentus  sit  sua  sorte.  Summa  est,  pluris  sibi  esse  propitium  Dei  vultum,  quam  si  horrea  frumento  referta,  cellasque  vino  plenas  haberet.  Quanquam  autem  in  voce  H^/D*  variant  Interpretes,  quia  nonnulli  vertunt  A  tempore,  ac  Davidem  intelligunt  hostium  suorum  bonis  fuisse  laetatum:  mihi  tamen  longe  melius  congruere  videtur  alter  sensus,  quod  scilicet  se  uno  Dei  favore  magis  gaudere  dicat,  quam  terrenos  homines  dum  bonis  omnibus  fruuntur,  quorum  desiderio  ut  plurimum  ardent.  Dixerat  enim,  rebus  prosperis  intentos  ac  deditos  Deum  non  magnopere  curare:  nunc  vero  addit,  largo  vini  et  frumenti  proventu  non  perinde  esse  laetos,  ut  ipse  est  unico  divinae  bonitatis  sensu.  Atque  hic  versus  utilem  doctrinam  continet,  videmus  enim  ut  terreni  homines,  postquam  spreta  Dei  gratia  totos  se  ingurgitarunt  in  caducas  delicias,  adeo  non  satiari,  ut  ipsa  copia  magis  eorum  cupiditates  inflammet;  ita  fit  ut  in  media  saturitate  caeca  inquietudo  mentes  eorum  sollicitet.  Nunquam  ergo  tranquilla  pax  et  solidum  gaudium  nobis  obtinget,  donec  affulgeat  Dei  favor.  Etsi  autem  fideles  sua  commoda  ipsi  quoque  expetunt,  praepostero  tamen  ardore  ad  ea  non  feruntur,  quin  patienter  sustineant  illis  privari,  mode  se  Deo  curae  esse  intelligant.  9.  In  pace  simul  dormiam  et  quiescam:  quia  tu  Iehova  seorsum*)  in  fiducia  locasti  me.  Concludit  se  perinde  securum  esse  ac  quietum,  quia.  protegitur  Dei  manu,  ac  si  omnibus  mundi  praesidiis  vallatus  esset.  Scimus  autem  bonum  hoc  prae  aliis  esse  optabile,  nempe  vacuum  esse  omni  metu,  nec  torqueri  vel  angi  ulla  cura.  Ideo  confirmatio  est  proximae  sententiae,  quod  gaudium  de  luce  paterni  Dei  amoris  conceptum  merito  aliis  omnibus  praeferat:  quia  interior  pax  animi  quaecunque  fingi  possunt  bona  exsuperet.  Multi  locum  hunc  ita  exponunt,  quod  speret  David  hostes  sibi  reconciliatum  iri  ut  cum  illis  placide  dormiat  :  quia  dederat  illi  Deus,  sine  molestia  et  nemine  obturbante  quiescere.  Meo  tamen  iudicio,  hic  aptior  erit  sensus,  quod  seorsum  non  minus  tranquille  aget,  quam  in  magna  turma:  quoniam  ipsum  Deus  tutetur.  Nam  in  particula,  )**]{]*,  subaudio  3  similitudinis  notam.  *)  seul,  en  marge;  ou  a  part.