28:64  que  les  hommes  viennent  en  une  telle  confusion,  qu'il  ne  les  resveille,  et  qu'il  ne  les  adiourne  devant  luy.  Et  ainsi  humilions-nous,  et  n'attendons  point  qu'il  nous  appelle  a  conte,  et  qu'il  nous  y  traine  par  force:  mais  que  nous  prevenions  tousiours  son  iugement  pour  cheminer  en  sa  crainte,  et  en  telle  solicitude  que  nous  prenions  plaisir  a  le  servir  et  honorer:  et  qu'il  y  ait  une  telle  honnestete  en  nous,  que  non  seulement  l'ordre  de  nature  soit  observe:  mais  que  nous  monstrions  que  ce  n'est  point  en  vain  qu'il  nous  a  separez  d'avec  les  povres  incredules,  et  qu'il  a  voulu  que  nous  fussions  un  peuple  sainct  et  dedie  a  son  service.  LE  PREMIER  SERMON  SUR  LE  CHAP.  XXIII.  V.  1-3.  DU  IEUDI  16E  DE  IANVIER  1556.  On  pourroit  trouver  estrange,  que  Dieu  repousse  ici  de  son  Eglise  ceux  qui  son  grevez  en  leurs  corps.  Car  il  ne  semble  point  que  cela  empesche  que  les  hommes  n'approchent  de  Dieu  :  plustost  quand  il  y  a  quelque  foiblesse  en  eux,  cela  les  rend  dignes  de  pitie  et  de  compassion.  Et  nous  savons  d'autre  coste,  que  Dieu  demande  une  purete  spirituelle,  et  qu'il  ne  luy  chaut  pas  beaucoup  de  ceste  apparence;  comme  il  est  notamment  escrit  au  quinziesme  chap.  du  premier  de  Samuel:  Qu'il  ne  regarde  point  a  l'oeil,  comme  font  les  hommes.  Mais  nous  avons  a  noter,  quand  Dieu  a  requis,  une  purete  exterieure  anciennement  sous  la  Loy,  que  c'a  este  pour  attirer  plus  avant  les  Iuifs,  a  ce  qu'ils  cogneussent  qu'ils  ne  pouvoyent  pas  se  presenter  au  temple,  qu'ils  ne  fussent  bien  purifiez,  voire  quant  a  leurs  ames.  Autant  en  est-il  de  ce  que  nous  voyons  ici.  Car  quand  Dieu  condamne  la  greveure  qui  sera  au  corps,  c'est  pour  signifier  que  ceux  qui  le  vouloyent  servir,  et  desiroyent  d'approcher  de  luy,  devoyent  estre  entiers  et  en  leurs  corps  et  en  leurs  ames.  Car  tout  ce  qui  a  este  figure  en  la  Loy,  se  rapportoit  a  ce  patron  spirituel  et  celeste  que  Moyse  avoint  veu  en  la  montagne  :  comme  il  est  escrit  au  25.  chap.  du  Levitique.  Et  cela  est  bien  observe  tant  par  S.  Estienne  que  par  l'Apostre  aux  Heb.  Ainsi  donc  notons,  quand  Dieu  exclud  du  sanctuaire  tous  ceux  qui  avoyent  quelque  greveure  en  leurs  corps:  par  cela  il  demonstre  qu'il  vouloit  avoir  des  serviteurs  qui  fussent  purs  et  entiers,  voire  et  qu'on  ne  s'amusast  point  a  ce  qui  estoit  apparent  devant  les  hommes:  mais  qu'on  cerchast  la  vraye  integrite,  c'est  assavoir  celle  que  Dieu  regarde,  qui  est  en  nos  coeurs  et  en  nos  esprits.  Autant  en  est-ii  de