21:64  il  fut  tellement  receu  de  singuliere  affection  par  ce  povre  peuple  recognoissant  sa  faute,  et  qui  estoit  affame  d'ouir  son  fidele  Pasteur,  qu'on  ne  cessa  point  qu'il  ne  fust  arreste  pour  tousiours.  A  quoy  aussi  s'accorderent  en  fin  lesdits  seigneurs  de  Strasbourg,  a  la  charge  toutesfois  qu'ils  le  tenoyent  tousiours  pour  leur  bourgeois.  Ils  vouloyent  aussi  qu'il  retinst  le  revenu  d'une  prebende  qu'ils  lui  avoyent  assigne  pour  ses  gages  de  Professeur  de  Theologie.  Mais,  comme  il  estoit  un  homme  du  tout  eslongne  de  cupidite  des  biens  de  ce  monde,  iamais  ils  ne  peurent  tant  faire  qu'il  en  retinst  la  valeur  d'un  denier.  Par  ainsi,  il  fut  restabli  derechef  a  Geneve,  l'an  1541,  le  13  de  Septembre,  trouvant  la  pour  son  compagnon  M.  Viret.  Et  en  cest  endroit  se  monstra  merveilleuse  la  misericorde  de  Dieu  envers  le  peuple  de  Geneve.  Car  si  le  peuple  ancien  reiettant  Moyse,  la  delivrance  fut  retardee  quarante  ans,  le  peuple  de  Geneve  n'estoit-il  pas  bien  digne  d'estre  a  iamais  asservi  sous  la  tyrannie  du  diable  et  de  1  Antechrist  Romain,  quand  il  avoit  reiette  Calvin  et  ses  compagnons,  fideles  et  excellens  serviteurs  du  Seigneur  ?  Et  toutesfois  Dieu  n'a  permis  que  pour  cela  ait  este  differe  l'edifice  de  ceste  Eglise  [  c  l  ]  que  trois  ans  seulement.  Or  afin  que  on  entende  comment  Calvin  s'y  est  porte,  premierement  d'entree  il  protesta  de  n'accepter  point  la  charge  de  ceste  Eglise,  sinon  qu'il  y  eust  Consistoire  ordonne  et  discipline  Ecclesiastique  convenable:  pour  ce  qu'il  voyoit  que  telles  brides  estoyent  necessaires  et  qu'il  n'estoit  point  question  de  delayer.  Ainsi  par  le  commandement  des  Magistrats  incontinent  il  dressa  l'ordre  et  la  discipline  Ecclesiastique  qui  y  est  tousjours  demeuree  ferme  depuis,  nonobstant  que  Satan  et  ses  adherens  ayent  fait  tous  leurs  efforts  pour  l'abolir,  comme  ii  en  sera  parle  ci  apres.  Il  fit  aussi  en  peu  de  iours  le  Catechisme,  tel  que  nous  l'avons  maintenant;  non  pas  qu'il  y  ait  rien  change  du  premier  quant  a  la  doctrine,  mais  la  reduisant  en  bonne  methode  par  demandes  et  responses,  pour  estre  plus  aisee  aux  enfans,  au  lieu  qu'en  l'autre  les  choses  estoyent  traittees  par  sommaires  et  briefs  chapitres.  Or  c'est  un  livre  qu'on  peut  bien  appeler  l'un  de  ses  excellens  ouvrages,  et  qui  a  fait  un  merveilleux  fruict,  estant  si  bien  recueilli,  que  de  Francois  il  a  depuis  este  traduit  en  diverses  langues,  assavoir  par  l'autheur  mesme,  en  Latin,  de  dediant  aux  Ministres  de  l'Evangile  en  la  Frise  Orientale,  comme  aussi  aucuns  d'iceux  l'avoyent  requis;  et  puis  en  Grec  par  Henri  Estienne,  et  en  Hebrieu  par  Emanuel  Tremellius,  luis  de  nation  et  lecteur  en  Theologie  en  l'universite  de  Heidelbergue,  tous  deux  fort  savans  personnages  et  bien  exercez  esdites  langues,  comme  chacun  sait:  finalement  en  Italien,  Allemand,  Anglois,  Escossois,  Flamand,  et  Espagnol  pour  toutes