10.1:64  deffaulte  de  non  avoir  de  tout  povoir  reprime  tieulx  blasfemes  detestables  :  Donc  sur  cela  veullians  pourveoir  de  deffences  et  cries  publicques  en  l'honneur  de  Dieu  comme  sensuit.  Des  vains  iurementz.  Lon  vous  faict  ascavoir  etc.  que  nul  ne  soit  ouse  ne  sy  hardy  de  iurer  ie  nom  de  Dieu  sus  paine  pour  la  premiere  foys  de  bayser  terre  et  crier  a  Dieu  mercy  et  de  cinq  solz:  pour  la  seconde,  de  rebaiser  terre  a  genoulx  en  criant  a  Dieu  mercy  et  de  dix  solz:  pour  la  troysiesme  foys  de  soixante  solz  et  d'ung  iour  et  une  nuyct  en  prison  en  pain  et  eau.  Des  blasfemes,  despitementz  et  renuncementz.  Item  que  nul  soit  ouse  ne  sy  hardy  de  blasphemer  ny  moings  despiter  ny  renoncer  Dieu  son  createur  en  nulle  sorte  que  se  soit,  sus  la  paine  pour  la  premiere  foys  de  estre  mys  en  prison  deux  iours  et  deux  nuictz  en  pain  et  eau,  de  baiser  la  terre  publicquement  demandantz  a  Dieu  mercy  et  de  vingtz  solz:  pour  la  seconde  foys  de  estre  remys  et  detenuz  troys  iours  et  troys  nuictz  en  pain  et  eau  et  en  fin  d'estre  mene  par  les  officiers  au  lieu  mesme  qu'il  aura  blaspheme,  despite  ou  renonce  Dieu,  pour  aulcunes  reparations  et  la  rebaiser  terre  a  genoufz,  teste  nue,  demandant  a  Dieu  mercy  et  de  soixante  solz.  Et  finablement  si  tel  estoit  et  se  trouvoyt  perseverant  en  ce  sans  se  vouloir  corriger,  emender  ny  abstenir  de  tieulx  vices  ')  sur  la  poyenne  de  l'indignation  de  Messeigneurs  et  estre  chastie  par  la  seigneurie  iouxte  le  demerite  du  cas.  Item  que  ung  chascung  de  quelle  qualite  et  condition  qu'ilz  soit,  ouyans  ainsy  iurer,  blasphemer,  despiter  ou  renoncer  Dieu,  les  doibge  reprendre  et  admonester  amyablement  et  doulcement  sans  luy  donner  occation  de  plus  avant  blasphemer,  ains  le  doibge  induyre  a  obeir  a  Dieu  et  aux  presentes  ordonnances,  et  aussy  les  reveller  a  la  iustice  mesmes  en  ce  que  Dieu  sera  grandement  blaspheme,  sans  cella  receller  ny  souffrier  en  sorte  que  ce  soit,  sus  la  poyne  de  la  desobeyssance  de  justice  et  de  dix  solz  pour  une  chascune  foys.  Item  et  que  si  telz  delinquantz  se  rebellent  et  resistent  aux  predictes  admonitions  et  reprehensions,  icelles  tornantz  et  mettantz  en  mocquerie  et  mespris  de  la  iustice  qui  soit  pugnis  iouxte  le  demerite  du  cas  et  sus  la  indignation  de  Messeigneurs.  1)  La  texte  primitif  continuait  ainsi  :  que  soit  bampnys  de  ceste  cite  pour  an  et  iour  apres  avoir  soubstenus  la  susdicte  poyne  sus  declairee,  ou  de  estre  mis  au  collier  troys  heures  a  la  description  (discretion)  toutesfoys  desdictz  tresredoubtez  seigneurs,  mais  ces  mots  sont  effaces  et  remplaces  par  ce  qui  suit  sans  qu'on  ait  eu  soin  d'etablir  une  liaison.