8:639  639  REPUTATIO  ERRORUM  640  coarguit.  Attendant  lectores,  atque  ex  hoc  quoque  loco  discant,  in  refellendis  Serveti  erroribus  me  parcum  fuisse  magis  quam  cupidum.  Ecclesiam  fingit  ab  annis  mille  ducentis  et  sexaginta  fugatam  a  mundo  fuisse,  ut  coelum  illi  exsilium  fuerit.  Nos  certe  e  splendidis  sedibus  fuisse  eiectam  fatemur,l)  sed  ita  ut  electas  a  se  reliquias  admirabili  gratia  servaverit  Dominus.  Alioqui  mentitus  foret,  qui  semper  aliquem  sibi  populum  in  terra  fore  promisit,  quamdiu  sol  et  luna  in  [pag.  255]  coelo  fulgebunt  (Psalm.  72,  5).  Scimus  quid  passim  de  aeterno  Christi  regno  testentur  prophetae.  An  eius  sedem  in  coelis  locant?  Imo  fore  praedicunt,  ut  sceptrum  eius  e  Sion  procul  Dominus  ostendat,  quo  dominetur  ab  ortu  usque  ad  occasum,  et  eius  haereditas  sit  terrarum  orbis.  Nunc  ergo  populo  eum  privare  qui  nomen  eius  celebret,  perinde  est  ac  si  abscissa  eius  parte,  ipsum  in  coelo  mutilum  includere  tentemus.  Non  enim  frustra  dicitur  ecclesia  eius  complementum:  nec  ea  quidem  angelica  vel  coelestis,  sed  quam  in  hac  mundi  peregrinatione  fovet,  ac  praesidio  suo  tuetur.  Itaque  vere  et  prudenter  Augustinus:  Nisi  ecclesiae  suae  coniunctus  sit  Christus,  non  secum  afferre  quod  illi  a  prophetis  tribuitur.  Scite  etiam  alibi  colligit:  Qui  ecclesiam  interiisse  volunt,  iam  non  esse  eius  membra.  Neque  est  cur  e  paucitate  coniiciat  quispiam,  ine  quidquid  potuerim  in  medium  protulisse.  Nam  omne  genus  ineptiis  scatent  eius  libri.  Qualis  obsecro,  speculatio  est:  Quamvis  non  peccasset  Adam,  Christum  tamen  praedestinatum  fuisse  hominem,  qui  carne  indutus  mutatos  homines  secum  in  coelos  duxisset?  Quam  speciosum  commentum:2)  Arborem  scientiae  boni  et  mali  Christi  fuisse  figuram,  cuius  praecipiti  desiderio  sese  Adam  cum  posteris  in  exitium  demerserit?  Nam  hoc  modo  letalem  fuisse  Christi  gustnm  sequetur.  Quid  denique  coloris  habet,  spirituale  nunc  affingere  Christo  corpus,  quod  coelum  et  terram  sua  plenitudine  impleat?  Sed  ne  praeter  institutam  libri  rationem  materia  mihi  crescat,  plura  exempla  non  persequar.  Interea  hoc  tenebo,  sic  gratuitam  hominis  iustitiam  perverti  a  Serveto,  ut  misere  tandem  concidat.  De  iniuria  [p?g.  256]  facta  veteri  populo,  quod  eum  carnalem  facions  coelestibus  beneficiis  privavit,  iam  ante  disserui:  ut  frustra  nunc  obiecto  evanido  probro  evolare  tentet.  Rursus  tamen  aliquid  breviter  repetam.  Fateor  quidem  instar  equi  desultorii  ipsum  huc  et  illuc  sese  vertere.  Nam  pagina  239,  ubi  de  inferno  disputat,  et  reprobos  dicit  post  mortem  non  scire  certo  sintne  damnandi,  licet  formident,  eandem  1)  Add.  et  qu'il  n'a  pas  tenu  aux  hommes,  que  elle  ne  fust  rasee  par  tout,  2)  Quelle  couleur  y  a  il  de  resvasser.