6:639  DE  VITANDIS  SUPERSTITIONIBUS.  Postremo,  quid  aliud  est,  corde  dicere  unum  Deum  adorandum:  externo  autem  nutu  idoli  cultum  simulare,  quam  in  suum  reatum  conscientiae  testimonio  subscribere?  Simulat  autem  certe  idoli  cultum,  qui  data  opera  convenit,  ne  abhorrere  ab  illo  videatur.  In  comparatione  quam  adducit  serpentis  aenei,  et  similium  impietatum,  illi  assentior:  sed  parum  congruenter  ad  praesentem  causam  accommodat.  Non  exprimitur,  quo  loco  fuerit  serpens  ille  adoratus,  neque  id  magnopere  ad  rem  facit:  verum  sive  in  templo,  sive  alibi  suffitum  illi  fecerint  Israelitae,  fallitur,  qui  putat  prophetas  aut  piorum  aliquos  adfuisse,  quum  tanta  abominatio  perpetraretur.  Urias,  iussu  Achab,  1)  altare  exstruxit  in  templo,  ubi  sacra  Deo  Samariae  fierent  (2  Reg.  16,  l  l  )  :  sed  neminem  ex  fidelibus  legimus  eiusmodi  sacris  interfuisse.  Neque  vero  credibile  est.  In  excelsis  vulgo  adorabant:  sed  mihi  non  est  dubium,  quin  omnes  veri  Dei  cultores  religiose  a  tali  corruptela  abstinuerint.  In  hoc  totum  est  situm,  ne  dum  [pag.  134]  conventus  solennes  aguntur  idololatriae,  illuc  te  associes.  Quamobrem  supervacuae  sunt  istae  querelae:  Nusquam  ergo  orare  iam  licebit;  quia  nullus  angulus  ab  idololatria  purus.  Neque  enim  sic  pollutum  esse  locum  dicimus,  ubi  suas  superstitiones  peragunt  impii,  ut  ibi  orare  sit  nefas.  Neque  enim  ubivis  orare  prohibeo,  modo  ab  omni  1)  Sic  libri  nostri  omnes  tam  latini  quam  gallim.  Error  igitur,  tam  in  nomine  quam  in  ipsa  historia  hic  obvius,  ipsius  autoris  esse  videtur.