49:639  639  SERMONS  640  maniere  de  dire:  efc  quand  leur  rage  est  si  desbordee  qu'on  ne  peut  venir  a  bout,  enfin  qu'en  feraon?  En  la  fin  si  Dieu  les  punit,  ne  faut-il  pas  cognoistre  qu'il  a  eu  pitie  des  siens,  quand  il  a  ainsi  voulu  abysmer  ceux  qui  se  sont  eslevez,  et  qui  n'ont  peu  porter  qu'ils  fussent  gouvernez  selon  sa  volonte?  Or  il  est  vray  que  ceci  est  advenu  a  Moyse  et  Aaron:  mais  tant  y  a  que  tous  vrais  serviteurs  de  Dieu  se  doyvent  armer  de  patience,  quand  ils  voyent  que  les  meschans  se  tormentent  et  se  faschent  de  ce  que  Dieu  les  a  maintenus,  et  a  prins  leur  querele  en  main,  et  qu'il  se  sera  venge  des  outrages  qui  leur  ont  este  faits.  Si  la  dessus  on  murmure  contre  eux  :  et  bien,  qu'ils  cognoissent  qu'il  leur  doit  bien  suffire  que  Dieu  soit  leur  garent,  comme  il  a  desia  monstre  en  partie.  Mais  au  reste,  que  nous  pensions  bien  a  ce  qui  nous  est  ici  remonstre:  c'est  de  ne  murmurer  point  quand  nous  verrons  que  Dieu  aura  chastie  les  meschans,  et  qu'apres  leur  avoir  donne  la  vogue  pour  un  temps,  ii  leur  monstre  qu'il  ne  pourra  plus  supporter  leur  malice.  Et  pourtant  que  nous  ne  nous  roeslions  parmi  eux:  car  qu'y  gaignerons  nous,  sinon  qu'estans  enveloppez  en  leurs  pechez,  il  faudra  aussi  que  nous  soyons  participans  de  leur  condamnation?  Voyla  l'issue  de  tous  ceux  qui  voudront  maintenir  de  meschantes  quereles,  et  qui  gardent  leur  venim  comme  des  crapaux,  quand  Dieu  aura  fait  quelque  execution  de  sa  iustice,  et  que  les  meschans  auront  este  reprimez  et  punis:  car  si  lors  ceux-la  veulent  venir  la  aiguiser  leur  bec,  mesdire  et  detracter,  en  la  fin  il  faudra  qu'ils  suyvent  leurs  compagnons,  puisqu'ils  veulent  estre  conioints  a  eux:  et  puis  qu'ils  ne  peuvent  souffrir  que  Dieu  les  en  separe,  il  faudra  qu'ils  soyent  mis  en  leur  rang,  et  aillent  apres.  Et  pourtant  avisons,  comme  i'ay  desia  dit,  de  nous  abstenir  tellement  de  tous  murmures,  que  nous  souffrions  en  premier  lieu  d'estre  gouvernez  comme  Dieu  le  commande,  et  comme  nous  en  avons  l'intelligence  par  sa  Parole:  que  nous  n'appetions  point  d'estre  sages  a  nostre  fantasie:  mais  que  ce  nous  soit  assez  d'obeir  a  Dieu.  Voyla  pour  un  item.  Apres  que  nous  ne  soyons  point  aussi  menez  d'ambition,  tellement  qu'un  chacun  tasche  a  s'avancer  de  soy  mesme:  mais  que  la  ou  Dieu  nous  appelle,  nous  le  servions.  Ceux  qui  sont  en  petite  condition  et  basse,  qu'ils  se  contentent,  scachans  que  Dieu  les  veut  tenir  la,  et  scait  pourquoy.  Ceux  qui  sont  en  honneur,  qu'ils  n'en  abusent  point,  et  qu'il  n'y  ait  point  d'envie  pour  s'eslever  les  uns  contre  les  autres  :  mais  qu'un  chacun  marche  son  train  et  tasche  d'aider  a  ceux  qui  luy  sont  conioints.  Voyla  pour  le  second.  Pour  le  troisieme  quand  nostre  Seigneur  fait  des  punitions  sur  ceux  qui  Tont  offense,  que  nous  ne  soyons  point  si  temeraires  de  nous  eslever  a