35:639  639  S  E  R  M  O  N  S  640  nous  est  dit  qu'il  n'a  pas  este  vaincu  en  la  mort,  mais  qu'en  la  vertu  de  Dieu  son  Pere  il  a  este  ressuscite.  C'est  desia  beaucoup  que  nous  cognoissions  que  nostre  Seigneur  Iesus  a  souffert  pour  nostre  salut,  et  qu'ayans  examine  nostre  vie,  nous  sentions  que  sans  un  tel  remede  nous  estions  damnez  et  perdus:  mais  encore  s'il  n'estoit  parle  que  de  la  mort  et  passion  du  Fils  de  Dieu  nous  serions  tousiours  en  doute  et  en  scrupule.  Oar  comment  pourrions-nous  esperer  qu'il  nous  donnast  la  vie,  veu  qu'il  seroit  abysme  en  la  mort?  Nous  n'apperceverions  point  une  vertu  Divine  ne  celeste,  sans  laquelle  nous  ne  pouvons  concevoir  une  ferme  fiance  en  luy:  nous  ne  verrions  la  qu'infirmite  qui  nous  estonneroit.  Tout  ainsi  donc  que  le  Prophete  a  parle  par  ci  devant  du  fruit  que  nous  apporte  la  mort  et  passion  de  nostre  Seigneur  Iesus  Christ,  maintenant  il  adiouste  que  c'est  d'autant  qu'il  sera  esleve  en  la  vertu  de  Dieu  son  Pere.  Il  a  donc  este  esleve  (dit-il)  d'angoisse  et  de  iugement.  Et  combien  qu'il  ait  este  condamne,  ce  n'a  pas  este  que  Dieu  l'ait  delaisse  au  besoin,  mais  il  a  este  exalte  pour  avoir  Empire  souverain,  et  pour  dominer  sur  toutes  creatures.  Et  c'est  ce  que  S.  Paul  aussi  nous  remonstre  au  premier  chapitre  des  Romains,  en  disant  qu'il  a  este  declare  Fils  de  Dieu  en  sa  resurrection.  Car  si  nous  ne  regardons  Iesus  Christ  qu'en  sa  vie,  selon  qu'il  a  converse  yci  bas  au  milieu  des  hommes,  et  puis  en  sa  mort,  nous  ne  trouverons  pas  en  luy  ce  qui  est  requis  a  nostre  salut.  Il  est  vray  que  les  miracles  qu'il  a  faits,  la  doctrine  qu'il  a  preschee,  les  autres  signes  qu'il  a  montrez,  estoyent  bien  pour  le  declarer  Fils  de  Dieu:  voire  si  nous  n'estions  pas  trop  debiles  de  foy.  Mais  encores  nous  demeurerions  tousiours  confus  en  perplexite,  quand  Iesus  Christ  se  presenteroit  comme  un  homme  commun,  et  mesmes  mesprise:  et  puis  que  nous  le  verrions  en  la  fin  estre  assuieti  a  ceste  mort  maudite,  et  tant  ignominieuse.  Mais  quand  de  la  mort  nous  passons  a  la  resurrection,  voyla  comme  nous  scavons  que  nostre  Seigneur  Iesus  nous  a  acquis  victoire.  Et  c'est  ce  que  dit  Sainct  Paul  en  l'autre  passage  de  la  seconde  aux  Corinthiens,  que  s'il  est  mort  en  l'infirmite  de  sa  chair,  en  la  vertu  de  Dieu  son  Pere  il  est  ressuscite.  Ainsi  l'ordre  que  tient  yci  le  Prophete  tend  a  ce  but,  que  nous  ne  doutions  point  que  nostre  Seigneur  Iesus  n'ait  la  vie  en  sa  main,  et  qu'il  n'en  soit  seigneur  et  maistre,  d'autant  que  cela  a  este  declare  en  sa  personne.  Cognoissons  donc  que  le  Fils  de  Dieu  a  este  aneanti  pour  nous:  scachans  quant  et  quant  il  n'a  point  este  desnue  de  sa  vertu:  Et  que  s'il  l'a  tenue  cachee  pour  un  petit  de  temps,  nous  en  aurons  eu  certain  tesmoignage  en  sa  ressurection,  tellement  qu'il  n'y  a  nulle  excuse  que  nous  n'ar-