25:639  639  SERMON  IV.  640  par  escrit,  c'est  assavoir,  qu'ils  doyvent  maintenir  droit  et  equite  envers  tous  ceux  qui  leur  sont  commis  en  charge.  Car  comme  il  a  este  declare  par  ci  devant,  c'est  un  service  honneste  que  l'estat  de  iustice,  ceux  qui  dominent  ne  sont  point  eslevez  en  haut  a  telle  condition,  qu'ils  foullent  leurs  subiets  au  pied,  ou  bien  qu'ils  n'en  tiennent  conte:  mais  au  contraire,  ils  leur  sont  obligez,  et  y  a  une  servitude.  Oar  Dieu  n'a  point  cree  les  principautez  a  l'appetit  de  peu  de  gens,  afin  que  tout  le  genre  humain  leur  soit  subiet:  mais  c'est  pour  tout  le  bien  commun.  Si  donc  les  gouverneurs  n'entendent  qu'ils  sont  obligez  par  la  volonte  de  Dieu  et  l'ordre  de  nature,  a  ceux  qui  leur  sont  commis,  il  faudra  qu'ils  rendent  conte  a  Dieu,  d'avoir  abuse  de  sa  grace,  et  de  l'honneur  qu'il  leur  a  fait.  Voila  quant  au  premier  que  nous  avons  ici  a  observer.  Or  cependant  notons,  que  s'il  y  a  une  telle  obligation  envers  les  hommes,  par  plus  forte  raison,  ils  sont  plus  estroitement  obligez  a  Dieu.  Quand  il  y  aura  une  cause  de  cinq  sols,  ou  moins,  que  quelqu'un  sera  greve,  si  la  iustice  ne  luy  fait  raison,  nous  voyons  ce  qui  est  ici  dit.  Or  maintenant  si  le  Nom  de  Dieu  est  blaspheme,  que  son  honneur  soit  obscurci,  qu'on  face  des  choses  meschantes  et  detestables,  et  que  ceux  qui  sont  assis  au  siege,  qui  portent  le  glaive  en  la  main  ne  resistent  a  cela,  et  qu'il  ne  leur  chaille  de  l'iniure  qui  se  fait  contre  Dieu,  sont-ils  a  excuser?  Oar  s'ils  ont  laisse  fouller  un  povre  homme,  qu'on  luy  ait  fait  dommage  seulement  d'un  denier,  ils  en  seront  coulpables  devant  Dieu.  Et  c'est  bien  une  chose  plus  precieuse  que  la  maieste  de  Dieu,  et  ce  qui  concerne  son  honneur,  et  service.  Puis  qu'ainsi  est,  notons  bien,  que  si  les  magistrats  sont  tenus  de  rendre  le  droit  a,  chacun  en  choses  petites,  et  quasi  de  nulle  valeur:  qu'ils  doyvent  bien  procurer  a  maintenir  l'honneur  de  Dieu  plus  songneusement  sans  comparaison:  et  sur  tout,  quand  il  est  question  de  ce  regne  de  nostre  Seigneur  Iesus  Christ,  auquel  tout  le  monde  n'est  point  a  comparer:  car  la  gloire  de  Dieu  reluit  ici.  Voila  donc  ce  que  nous  avons  a  noter  en  second  lieu  sur  ce  passage.  Et  au  reste,  quand  il  est  dit  que  les  magistrats  ne  doyvent  point  avoir  acception  de  personne,  cela  signifie  qu'ils  ne  doyvent  point  estre  esmeus  ne  de  richesse,  ne  de  povrete,  ne  de  parentage,  ne  d'amitie,  ne  de  rien  qui  soit.  Oar  ce  mot  de  Personne  en  l'Escriture  se  prend  pour  la  qualite  qui  est  en  l'homme,  pour  luy  acquerir  quelque  grace  et  faveur,  ou  bien  pour  le  rendre  contemptible.  Quand  nous  parlons  d'une  personne  en  nostre  langage  commun,  nous  entendons  l'homme  ou  la  femme:  mais  l'Escriture  signifie  une  chose  plus  speciale,  c'est  qu'on  n'ait  point  regard  quel  est  l'homme:  s'il  est  nostre  voisin,  s'il  est  nostre  ami,  s'il  est  riche  pour  nous  faire  du  bien,  s'il  a  credit