8:638  En  quam  scitus  fuerit  reprehensor,  ut  optanda  illi  fuerit  censoria  in  me  libertas.  Quis  tamen  obstabat  quominus,  si  quos  errores  in  me  deprehendisset,  eorum  catalogum  conficeret  suo  arbitrio?  Sesquimensem  otiosus  transegit  in  carcere:  nunquam  negata  fuit  librorum  copia.  Quam  licentiose  stilum  in  me  exercuerit,  illustre  specimen  lectoribus  exhibui.  Nunquam  prae  se  tulit,  aliud  se  carpendum  habere.  Tantum  pro  censura  supplicem  libellum  composuit,  in  quo  me  postulabat  ad  capitis  supplicium,  meaque  bona  sibi  adiudicari  petebat:  opimam  scilicet  praedam  ex  plumbeis  thesaurisl)  captans.  Et  tamen  saepius  me  cxsecrabilem  vocavit:  quia  criminalis,  ut  dicebat,  essem  accusator.  At  si  mihi  integrum  errorum  eius  catalogum  scribere  propositum  fuisset,  duplicandus  erat  liber.  Ex  uberrima  copia,  duobus  nunc  exemplis  ero  contentus.  Quod  pag.  460  de  triplici  spiritus  missione  dicit,  non  attigi.  In  quo  tamen  non  minus  perniciose  quam  in  ipsa  spiritus  essentia  delirat.  Prima  illi  missio  est  in  umbra  ante  Christi  adventum,  quia  spiritus  instar  aurae  volitans  super  aquas,  et  non  habens  ubi  integro  requiesceret,  reversus  est,  ac  se  in  coelo  [pag.  254]  continuit.2)  Nunc  sanctos  patres  spiritus  gratia  se  orbasse  neget  qui  umbratilem  quasi  momento  apparuisse  fingens,  in  coeli  adyta  mox  recludit.  Corporalis  fuit  secundum  ipsum  missio3)  secunda,  quando  corporaliter  visi  sunt  aperiri  coeli,  et  spiritus  visibili  forma  descendere.  Tertia  quae  spiritualis  est  atque  interna  missio  non  additur  continuo  post,  ut  sciamus  Christum  arcano  modo  intus  semper  gubernasse  ecclesiam:  sed  ad  renovationem  nescio  quam  differtur,  ubi  abolitum  fuerit  regnum  papae.4)  Interius  ergo  spiritus  regimen,  quo  vere  testatus  est  Christus  se  -  mysticum  esse  ecclesiae  suae  caput,  penitus  deletur  a  Serveto,  ut  instar  Mahometi,  cum  nova  et  prius  incognita  revelatione,  novi  mundi  instaurator  surgat.  Annon  id  est  quidquid  adeptus  est  gloriae  Christus,  ex  quo  ad  patris  dexteram  consedit,  exinanire?  Neque  enim,  ut  sibi  privatim  regnaret,  in  tantam  conscendit  altitudinem:  sed  ut  spiritus  sui  gratiam  diffunderet,  quam  in  cordibus  suis  certo  fidei  sensu  reconditam  agnoscunt  fideles,  licet  visibilis  non  appareat.  Diuturnum5)  quod  fingit  ecclesiae  e  terris  exsilium,  non  attigi:  in6)  quo  Deum  palam  mendacii  1)  mes  tresors  de  paille.  2)  Add.  iusqu'a  la  venue  de  I.  C.  3)  Hic  et  in  seq.  Gallus  perperam:  vision.  4)  Hic  inserit  Gallas:  Ainsi  il  n'est  point  question  que  I.  C.  depuis  le  temps  des  Apostres  ait  gouverne  son  Eglise,  ne  que  le  sainct  Esprit  ait  faict  sentir  sa  vertu  aux  coeurs  des  fideles.  5)  Pour  le  second  ie  n'ay  point  touche  ce  qu'il  dit  etc.  6)  Haec  commatis  pars  abest  a  gallico.