49:638  nans  :  il  les  veut  maintenir,  comme  il  les  a  prins  en  sa  protection,  c'est  luy  qui  les  a  armez  du  glaive.  Ceux  donc  qui  s'eslevent  ainsi  a  l'encontre,  il  est  certain  qu'ils  bataillent  a  l'encontre  de  Dieu.  Or  ayant  une  si  forte  partie,  il  faudra  en  la  fin  qu'ils  soyent  vaincus  a  leur  grande  confusion.  Brief,  autant  en  est-il  de  chacune  famille,  si  le  fils  s'esleve  contre  le  pere,  la  femme  contre  le  mari,  si  nul  ne  veut  porter  la  subietion  que  Dieu  luy  a  mise  sur  le  col,  mais  que  chacun  se  desborde,  alors  les  hommes  cuideront  bien  s'employer:  mais  voyci  Dieu  qui  est  offense  mortellement.  Et  pourquoy?  Car  ce  n'est  pas  une  idole:  il  ne  veut  point  estre  separe  de  sa  iustice,  de  l'ordre  qu'il  a  establi,  et  lequel  il  nous  commande.  Voyla  donc  ce  que  nous  avons  a  retenir,  que  pour  ne  point  estre  consumez  avec  Core,  Dathan  et  Abirom,  nous  recevions  tout  ce  que  nostre  Seigneur  nous  monstre  luy  estre  agreable  et  quant  a  la  doctrine,  et  quant  aux  personnes,  que  nous  demeurions  tous  quois,  et  que  nul  n'attente  ni  usurpe  plus  qu'il  ne  luy  est  licite:  car  si  nous  le  faisons,  nous  sentirons  bien  que  Dieu  est  trop  fort  et  puissant  pour  nous:  et  que  quand  nous  attentons  de  lui  resister,  le  tout  sera  a  nostre  confusion:  mais  encores  nous  voyons  la  malice  desesperee  des  hommes,  en  ce  que  les  Iuifs,  apres  avoir  veu  que  Moyse  et  Aaron  estoyent  maintenus  du  ciel,  qu'ils  estoyent  la  prests  de  quitter  toute  leur  dignite,  et  se  dessaisir  de  l'honneur  que  Dieu  leur  avoit  donne,  neantmoins  ils  ne  laissent  pas  encores  de  les  accuser.  Et  pourquoy?  D'autant  que  Dieu  a  venge  l'iniure  qui  luy  estoit  faite.  Or  nous  scavons  bien  condamner  cela  aux  Iuifs:  mais  cependant  nous  l'ensuyvons:  car  auiourd'huy  quand  un  meschant  s'esleve,  et  fait  du  pis  qu'il  peut,  s'il  est  puni,  que  diraon?  Ho,  ca  este  a  l'occasion  d'un  tel.  Et  voire:  mais  qu'en  peut  mais  celuy  qui  a  fait  son  devoir,  et  s'est  voulu  acquitter  fidelement  envers  Dieu  et  envers  les  hommes,  et  qui  n'a  rien  attente?  Neantmoins  on  s'esleve  contre  luy,  on  le  veut  la  abysmer.  Et  bien,  s'il  faut  qu'en  la  fin  la  iustice  mette  la  main  sur  ceux  qui  ont  tasche  de  malfaire:  et  faut-il  en  accuser  l'homme  innocent?  L'agneau  aura  tousiours  trouble  l'eau:  et  c'est  une  coustume  trop  ordinaire:  et  on  le  voit:  car  on  ne  iuge  point  du  merite  de  la  cause.  Quand  on  punira  des  malfaiteurs,  on  regardera.  Et  comment?  c'a  estoit  l'occasion  de  cestuy  ci,  de  cestuy  la.  Et  voire:  mais  qu'ont  ils  fait,  ceux  dont  on  parle  ainsi?  On  aura  este  fasche  quand  Dieu  les  vouloit  honorer:  on  aura  este  fasche  quand  Dieu  s'est  servi  d'eux,  et  qu'ils  se  seront  acquittez  de  leur  devoir.  Ces  canailles,  ces  suppost  de  Satan  ne  peuvent  porter  que  Dieu  se  serve  des  hommes  a  son  plaisir,  et  voudroyent  avoir  arrache  du  ciel  les  Anges,  par  43*