48:638  du  iour  estoit  comme  le  midi,  et  la  tierce  estoit  comme  environ  de  huit  a  neuf  heures  du  matin,  selon  que  nous  comptons.  Tenons  maintenant  a  la  raison  que  S.  Pierre  amene  pour  monstrer  qu'ils  n'estoyent  point  yvres,  comme  les  Iuifs  estimoyent.  C'est  comme  s'il  disoit,  nous  sommes  maintenant  en  la  tierce  heure  du  iour,  qui  est  (comme  i'ay  dit)  entre  huit  et  neuf  du  matin  :  il  n'est  pas  vraysemblable  que  les  hommes  s'enyvrent  a  ceste  heure-la:  mesmes  ceux-ci  qui  vacquent  a  servir  a  Dieu.  Et  en  ceci  S.  Pierre  reprend  l'yvrongnerie,  et  monstre  que  ce  doit  estre  une  chose  honteuse,  quand  un  homme  commence  du  matin  a  s'enyvrer.  Et  toutesfois  on  en  trouvera  plus  qu'il  ne  seroit  de  besoin  qui  sont  tellement  addonnez  a  ceste  yvrongnerie  qu'ils  en  perdent  et  sens  et  raison.  Et  les  uns  ne  seront  point  yvres  de  ce  qu'ils  auront  beu  le  matin,  mais  ils  sont  tellement  hebetez  du  vin  qu'ils  auront  entonne  le  soir,  qu'il  semble  que  des  le  matin  ils  n'ayent  fait  autre  chose  que  boire.  Les  autres,  de  peur  de  faillir  a  boire,  commencerent  si  matin  que  tout  le  iour  ils  ne  seront  desenyvrez:  et  le  vin  alors  leur  oste  toute  intelligence  et  raison,  en  sorte  qu'ils  ne  se  scauroyent  aider  ni  conduire.  S.  Pierre  donc  dit  que  ceux-ci  ne  sont  point  yvres:  monstrant  en  cela  que  c'est;  une  chose  desplaisante  a  Dieu.  Or  il  nous  faut  noter  en  ceci  que  les  Iuifs  avoyent  en  detestation  l'yvrongnerie,  tellement  que  quand  aucuns  d'iceux  estoyent  suiets  a  tomber  en  yvrongnerie,  ils  regardoyent  que  ce  fust  de  nuit,  de  honte  qu'ils  avoyent  de  se  manifester  aux  autres.  Et  en  cela  nous  voyons  que  les  hommes  sont  plus  deshontez  maintenant,  qu'ils  n'estoyent  en  ce  tempsla.  Car  pour  lors  ils  cherchoyent  les  tenebres  de  la  nuit,  et  maintenant  on  ne  fait  point  de  conte  de  s'enyvrer  en  plein  midi:  puis  apres  il  faut  dormir  et  cuver  le  vin.  Mesmes  on  en  verra,  lesquels  estans  au  sermon  se  monstrent  tels  qu'ils  sont:  car  ils  ne  scauroyent  demeurer  une  heure  a  ouyr  la  parolle  de  Dieu,  qu'ils  ne  monstrent  l'effet  de  leur  yvrongnerie:  ils  sont  la  assopis,  tellement  qu'ils  ne  profitent  rien.  Mais  on  ne  se  doit  pas  trop  esmerveiller  de  cela,  car  le  vin  et  la  viande  qui  ne  sont  encores  digerez,  pource  qu'ils  s'en  sont  remplis  sans  mesure,  pis  que  les  bestes  brutes,  leur  cause  le  sommeil  ainsi  pesant.  Et  mesmes  on  en  verra  quelques  fois  au  sermon  du  matin  qui  y  dorment,  combien  qu'il  ne  semble  pas  qu'ils  doyvent  avoir  encores  ne  beu  ne  mange.  Mais  en  cela  ils  monstrent  quel  goust  ils  ont  a  la  parolle  de  Dieu,  car  ils  ne  se  scauroyent  excuser,  veu  qu'ils  sortent  du  repos  a  l'heure  mesme.  Pour  venir  donc  a  la  matiere,  8.  Pierre  parle  selon  la  coustume  de  ce  temps-la,  disant,  II  n'est  pas  vray-semblable  que  ceux-ci  soyent  yvres,  veu