35:638  que  Dieu  nous  veut  esprouver,  ou  bien  qu'il  nous  veut  punir  de  nos  fautes.  Et  regardons  de  ne  point  alleguer  excuses  frivoles,  comme  font  beaucoup,  qui  mettent  en  avant  leur  infirmite,  et  qu'ils  sont  par  trop  debiles,  et  ne  se  peuvent  tenir  quois,  cependant  que  Dieu  les  presse  de  grandes  angoisses.  Si  faut-il  que  nous  soyons  conformez  au  Fils  de  Dieu:  car  c'est  nostre  miroir  et  patron,  non  pas  (comme  i'ay  dit)  qu'il  y  puisse  avoir  une  vertu  egale,  mais  encore  que  nous  n'approchions  point  de  luy,  si  faut-il  que  nous  y  tendions.  Et  d'avantage  nous  voyons  que  David  estant  homme  fragile,  comme  nous  sommes,  n'a  pas  laisse  pourtant  de  prattiquer  ceste  doctrine:  comme  il  dit  d'un  coste,  Seigneur  scachant  que  c'est  ta  main  qui  est  ainsi  appesantie  sur  moy,  ie  me  suis  teu.  Et  en  l'autre  passage,  Et  bien,  puis  que  la  bride  estoit  laschee  a  mes  ennemis,  i'ay  souffert  paisiblement  les  iniures  et  outrages  qu'ils  m'ont  faits.  Voyla  donc  ce  que  nous  avons  a  retenir  de  ce  passage:  C'est  ascavoir  que  comme  le  Fils  de  Dieu  a  este  muet  pour  donner  gloire  a  Dieu,  et  n'a  contredit  ne  replique  en  toutes  ses  afflictions,  aussi  nous  souffrirons  que  Dieu  nous  chastie  quand  bon  luy  semblera:  ou  bien  qu'il  esprouve  nostre  obeissance,  laschant  la  bride  aux  meschants,  afin  qu'ils  nous  persecutent.  Or  il  est  impossible  de  tendre  la,  iusques  a  ce  que  nous  ayons  ceste  doctrine  bien  resolue,  que  quand  nostre  Seigneur  Iesus  s'est  teu  devant  Dieu  son  Pere  et  devant  les  hommes,  il  a  par  ce  moyen  repare  toutes  nos  fautes  et  rebellions.  Au  reste,  quand  il  nous  est  dit  qu'en  se  taisant,  il  nous  a  acquis  iustice,  nous  voyons  qu'un  tel  silence  apporte  quant  et  quant  ce  bien,  que  c'a  este  pour  maintenir  nostre  cause,  et  qu'il  est  maintenant  nostre  advocat  devant  Dieu,  ayant  tousiours  la  bouche  ouverte:  c'est  a  dire  ayant  son  intercession  preste  pour  remedier  a  toutes  les  offenses  qu-e  nous  avons  commises.  Car  entant  qu'il  a  endure  qu'on  le  persecutast  iusques  au  bout  sans  rien  respondre,  il  s'est  acquis  cest  office-la  que  si  nous  sommes  convaincus  en  nos  consciences  devant  Dieu,  et  qu'il  nous  salle  passer  condamnation,  et  que  nous  n'ayons  nulle  replique  pour  nous  excuser,  neantmoins  nous  serons  defendus  par  luy,  et  que  Dieu  nous  iugera  comme  innocens  d'autant  que  nos  fautes  ont  este  ainsi  reparees.  Voyla  donc  par  quel  bout  il  nous  faut  commencer,  et  alors  nous  aurons  meilleur  courage,  et  serons  mieux  disposez  beaucoup,  pour  nous  taire  lorsque  nous  serons  ainsi  affligez  de  la  main  de  Dieu.  Or  la  dessus  le  Prophete  adiouste  encores,  qu'il  a  este  esleve  d'angoisse  ou  de  prison  (car  ce  mot  comporte  cela)  et  de  iugement.  Aucuns  exposent  ceci,  comme  si  Iesus  Christ  eust  este  ravi  a  la  mort  par  une  violence  soudaine:  mais  plustost  ii