49:637  637  SUR  L'EPITRE  AUX  CORINTHIENS.  638  contredit,  que  grans  et  petis  se  tienent  la,  et  qu'ils  ne  bougent:  et  qu'ils  ne  nous  face  point  mal  d'estre  captifs  sous  un  tel  maistre,  quand  il  veut  esprouver  nostre  obeissance:  que  nous  n'ayons  point  honte  (di-ie)  que  nostre  Seigneur  domine  sur  nous,  et  ait  son  Empire  souverain.  Or  pour  ce  faire,  il  nous  faut  despouiller  en  premier  lieu  de  ceste  fierte,  qui  precipite  les  rebelles  et  mutins,  et  les  fait  murmurer  a  l'encontre  de  Dieu,  comme  nous  avons  veu  l'experience.  Qui  esmeut  Core,  Dathan  et  Abirom  de  murmurer  ainsi  a  l'encontre  d'Aaron  et  de  Moyse,  et  de  les  charger  de  blasme,  qu'ils  exercoyent  tyrannie  sur  le  peuple?  C'est  pour  ce  que  selon  que  Dieu  avoit  ordonne  Moyse  et  Aaron,  il  vouloit  que  tout  fust  conduit  en  bonne  regle:  que  s'il  s'y  commettoit  quelque  acte  d'impiete,  cela  fust  puni:  s'il  y  avoit  quelque  dissolution  et  intemperance,  que  cela  fust  reprime,  que  le  service  de  Dieu  fust  maintenu,  et  qu'il  y  eust  bon  ordre.  Or  Ja  dessus  les  murmures  s'eslevent.  Et  entre  nous  quoy?  L'excommunication  a  este  trouvee  trop  estrange.  Et  pourquoy?  Ho  voyla,  il  ne  faut  point  que  nous  soyons  comme  en  la  Papaute.  Il  est  vray:  mais  l'excommunication  vient-elle  du  Pape?  S'il  en  a  abuse  comme  de  toutes  choses,  faut-il  qu'elle  soit  abolie  pourtant?  Nous  scavons  qu'il  a  corrumpu  et  le  Baptesme  et  la  Cene  de  nostre  Seigneur  Iesus  Christ:  mais  cependant  si  on  regarde  a  l'origine  et  a  la  source,  on  trouvera  que  iamais  il  n'y  a  eu  Eglise  de  Dieu,  la  ou  il  n'y  ait  eu  excommunication.  Qui  plus  est,  les  Payens  en  ont  bien  eu,  comme  il  a  este  remonstre  souventes  fois:  mais  il  y  avoit  point  d'aureilles  alors  pour  ouir:  tout  estoit  endiable.  Voyla  donc  ceste  fierte,  de  s'eslever  ainsi  a  l'encontre  de  Dieu  pour  le  despiter  manifestement.  Or  voyla,  quoy  qu'il  en  soit,  si  faut-il  que  cest  ordre  la  demeure,  si  nous  voulons  estre  reputez  Eglise  de  Dieu.  Voire:  mais  nous  voulons  estre  exemptez  de  cela  en  despit  de  Dieu.  Et  comment  :  Ho,  ce  nous  est  tout  un.  Nous  voyons  maintenant,  que  pour  nous  tenir  paisibles  il  n'est  point  question  de  suyvre  nostre  naturel:  car  chacun  sera  enfle  de  presomption,  et  ne  pourront  porter  aucun  ioug.  Que  donc  nous  venions  a  l'eschole  de  nostre  Seigneur  Iesus  Christ,  qui  dit  que  nous  apprenions  de  luy,  qu'il  est  debonnaire,  et  humble  de  coeur,  que  nous  profitions  en  cela  et  alors  nous  pourrons  bien  cheminer  en  l'obeissance  de  nostre  Dieu  sans  aucune  sedition  ou  murmure.  Or  quand  ie  di  que  tous  ceux  qui  taschent  a  pervertir  ce  que  Dieu  a  institue,  luy  font  la  guerre  et  non  point  aux  creatures,  ce  n'est  point  seulement  de  la  doctrine,  mais  de  tout  ce  qui  concerne  la  vie  humaine.  Voyla  Dieu  qui  ordonne  qu'il  y  ait  iustice.  Ceux  qui  sont  eleus,  et  qui  sont  en  l'estat  et  authorite  de  gouverner,  sont  comme  ses  lieute-