35:637  637  DE  LA  PROPHETIE  DE  CHRIST.  638  occasion  d'estre  absous,  pource  qu'il  faloit  bien  qu'il  fust  condamne  en  nostre  nom.  Ce  n'est  point  donc  sans  cause  que  le  Prophete  dit,  qu'il  a  este  comme  un  muet:  et  l'accompare  a  un  mouton,  ou  a  un  agneau^  regardant  a  la  figure  des  sacrifices  anciens,  car  quand  on  nous  parle  de  la  mort  et  passion  de  nostre  Seigneur  Iesus  Christ,  il  nous  la  faut  prendre  comme  un  sacrifice  par  lequel  Dieu  a  este  appaise,  d'autant  que  les  pechez  (comme  nous  avons  monstre  par  ci  devant)  ne  se  peuvent  abolir  devant  Dieu  que  par  tel  moyen.  Et  de  faict,  quand  sous  la  Loy  les  hommes  ont  voulu  demander  pardon  de  leurs  fautes,  il  a  falu  tousiours  que  le  sacrifice  fust  adiouste.  Ils  ne  pouvoyent  apporter  aucune  recompense:  mais  Dieu  leur  a  declare  que  c'estoit  assez  qu'ils  se  fondassent  sur  la  promesse  qui  leur  estoit  donnee  du  Redempteur.  Ainsi  donc  afin  que  les  Iuifs  cognussent  que  Iesus  Christ  devoit  accomplir  tout  ce  qui  estoit  pour  lors  figure  en  la  Loy,  notamment  ce  nom  d'Agneau  luy  est  attribue,  et  sous  une  espece  le  Prophete  a  comprins  le  tout:  comme  s'il  disoit  que  Iesus  Christ  en  sa  mort  et  passion,  premierement  aboliroit  toutes  nos  iniquitez,  d'autant  qu'il  s'as  suie  tiroit  a  la  volonte  de  Dieu  son  Pere:  et  puis  en  second  lieu  qu'il  seroit  sacrifie  comme  un  agneau,  afin  que  par  l'effusion  de  son  sang,  toutes  nos  macules  fussent  lavees  et  nettoyees.  Or  maintenant  quand  nous  serons  redarguez  de  tant  de  fautes  que  nous  commettons,  et  qu'il  nous  faudra  sentir  l'ire  de  Dieu,  que  nous  ayons  nostre  recours  a  ce  qui  nous  est  yci  propose:  c'est  ascavoir  que  nostre  Seigneur  Iesus  Christ  non  sans  cause  n'a  point  voulu  replicquer,  combien  que  les  afflictions  qu'il  enduroit  fussent  extremes,  et  combien  que  Dieu  desployast  sur  luy  toute  rigueur,  neantmoins  paisiblement  il  a  souffert  le  tout,  afin  qu'en  ceste  obeissance  la  nous  fussions  reconciliez.  Cependant  nous  sommes  aussi  exhortez  a  nous  conformer  a  son  exemple:  non  pas  que  nous  puissions  en  toute  perfection  nous  humilier  devant  Dieu,  mais  si  est-ce  qu'il  nous  y  faut  efforcer.  Ie  dis  quand  il  plaira  a  Dieu  de  nous  chastier,  et  que  nous  sentirons  grande  rudesse  en  sa  main,  qu'il  nous  semblera  que  nous  serons  par  trop  pressez,  qu'il  faut  neantmoins  que  nous  facions  silence,  et  que  nous  confessions  que  Dieu  est  iuste  et  equitable,  et  qu'on  n'oye  nul  murmure  en  nostre  bouche:  mais  plustost  que  nous  glorifions  Dieu  en  nous  taisant:  voire  comme  povres  pecheurs  qui  sont  convaincus  de  leurs  forfaits  et  qui  n'ont  nulle  replicque.  Voyla  donc  comme  S.  Pierre  applicque  ce  passage:  c'est  que  quand  nous  serons  affligez  de  la  main  ae  Dieu,  voire  mesme  persecutez  de  la  main  des  hommes,  nous  ne  laissions  pas  de  porter  patiemment  des  iniures  qu'on  nous  fait:  cognaissant