25:637  637  SUR  LE  DEUTER.  CHAP.  I.  638  qu'il  ne  nous  peut  estre  trop  dit.  Et  nous  voyons  comme  Moyse,  qui  est  le  vray  patron  pour  tous  Prophetes  et  vrais  ministres  de  la  parolle,  s'en  acquitte.  Et  d'autant  qu'il  a  tant  insiste  sur  cest  article,  que  ceux  qui  ont  l'office  d'enseigner  en  l'Eglise  Chrestienne,  sachent  qu'ils  ne  pourront  iamais  estre  superflus  en  cela  et  que  tout  le  peuple  aussi  cognoisse,  que  quand  on  luy  ramentoit  les  graces  de  Dieu,  ce  n'est  point  une  doctrine  superflue  ni  inutile.  Voila  pour  un  item.  Au  reste  Moyse  notamment  veut  que  ce  peuple  sente,  et  qu'il  soit  du  tout  convaincu,  que  ce  nombre  si  grand  n'est  pas  venu  de  l'ordre  commun  de  nature,  ainsi  qu'on  voit  le  monde  multiplier,  mais  que  c'estoit  un  vray  miracle  de  Dieu.  Et  voila  pourquoy  aussi  il  exprime  ceste  similitude  qui  avoit  este  donnee  a  leur  pere  Abraham  :  car  Dieu  en  vision  luy  avoit  monstre  les  estoilles  du  ciel,  et  luy  avoit  dit:  Ta  semence  sera  comme  les  estoilles  du  ciel:  tout  ainsi  que  la  multitude  des  estoilles  est  infinie,  ainsi  sera  ta  semence  apres  toy.  Moyse  donc  maintenant,  afin  de  mieux  magnifier  la  grace  de  Dieu,  et  de  l'imprimer  au  coeur  du  peuple,  luy  dit:  Vous  avez  ce  qui  a  este  promis  a  vostre  pere  Abraham,  que  sa  race  seroit  grande  comme  les  estoilles  du  ciel.  Or  maintenant  regardez  en  quel  nombre  vous  estes:  car  de  faict,  c'estoit  un  miracle  plus  qu'excellent,  que  le  peuple  fust  entre  en  si  petit  nombre.  Voila~  une  maison,  il  n'y  a  que  soixante  personnes  qui  descendent  en  Egypte,  et  quand  il  est  question  d'en  sortir,  il  n'est  plus  question  de  soixante,  mais  il  est  question  d'environ  sept  cens  mille,  et  cela  en  moins  de  trois  cens  ans,  que  ce  nombre  auroit  este  ainsi  augmente.  Car  il  faut  prendre  les  quatre  cens  trente  ans,  depuis  la  promesse  donnee  au  peuple.  Et  nous  voyons  qu'Abraham  a  long  temps  este  sans  avoir  lignee:  en  la  fin  il  a  Isaac,  lequel  semble  encores  devoir  estre  extermine:  quand  Iacob  cuide  estre  augmente,  et  bien  il  a  douze  enfans  masles,  mais  qu'est-ce  que  cela  pour  une  telle  multitude?  Ainsi  donc  notamment  Moyse  a  voulu  declarer  au  peuple  qu'il  avoit  este  augmente  par  la  grace  de  Dieu,  voire  d'une  facon  extraordinaire,  et  non  point  selon  le  cours  de  nature.  Et  cependant  toutesfois,  (qui  sera  pour  la  fin)  Moyse  prie  Dieu  qu'il  augmente  le  peuple,  ou  bien  qu'il  asseure  le  peuple  qu'il  sera  augmente  de  plus  en  plus.  Combien  que  ceste  multitude  fust  un  grand  travail  a  Moyse,  si  est-ce  qu'il  ne  s'en  despite  point,  mais  il  recoit  a  ioye  ceste  benediction  de  Dieu,  et  glorifie  celuy  qui  a  ainsi  accompli  sa  promesse.  Cependant  il  regarde  d'y  prouvoir  par  bon  moyen,  et  ne  demande  sinon  que  Dieu  soit  servi  et  honore,  et  que  la  grace  qu'il  a  commencee  en  son  peuple,  continue  iusques  a  ce  qu'elle  soit  venue  a  sa  perfection.