9:636  ita  exposuisse  iliud  Mosis:  Pluit  Dominus  a  Domino  (Gen.  19,  24),  sed  quum  nomen  Iehovae  in  utroque  membro  expressum  sit,  sensus  nullo  modo  quadraret,  patrem  a  filio  pluisse.  Verum  ut  Moses  formidabilem  Dei  vindictam  melius  demonstret,  repetit  secundo  Dei  aeterni  nomen.  Ita  ubi  dicitur  Deus  fecisse  hominem  ad  imaginem  Dei  (G-en.  1,  27),  stulte  quaeritur  distinctio  inter  personas.  Quod  ad  sententiam  ex  primo  capite  Ioannis  sumptam,  distinguitur  quidem  filius  a  patre,  quod  fuerit  apud  Deum  (Ioann.  1,  1),  sed  ubi  additur,  [pag.  10]  sermonem  illum  fuisse  Deum,  detestabile  sacrilegium  est,  novam  aut  aliam  deitatem  fingere.  Melius  etiam  abstinuisset  a  loco  illo  Psalmi  :  Verbo  Domini  coeli  firmati  sunt,  ete.  (Psal.  33,  6)  non  quod  insectari  placeat  si  minus  apte  scripturam  citet:  verum  ne  suum  acumen  tanta  insolentia  nobis  venditet.  l)  In  illa  etiam  sententia,  quam  profert  ex  priore  ad  Corinthios:  Distributiones  ministeriorum  sunt,  idem  autem  Dominus  (1.  Cor.  12,  5),  non  assequutus  est  mentem  Pauli.  In  multis  locis  pueriliter  argutatur:  sed  interea  venenum  suum  prodit.  Christus  non  dicit:  Ego  et  pater  unus  sumus,  sed  unum2)  (Ioann.  10,  30),  fateor:  quia  illic  propositum  non  erat  unum  se  cum  patre  Deum  vocare  :  verum  captiose  inde  elicit  Christum  esse  alium  a  patre  Deum.  Similiter  quum  dicit  Ioannes:  Hi  tres  unum  sunt  (1.  Ioann.  5,  7),  quia  non  disserit  ex  professo  de  essentia  vel  deitate,  sic  loquitur.  Hic  autem  vel  impostor  malitiose,  vel  nugator  inepte  ad  nomen  Dei  trahit  quod  prorsus  in  diversum  finem  dictum  est.  Uno  quidem  verbo  negat  se  statuere  tres  deos,  sed  hanc  [pag.  ll]  absurditatem  effugere  non  potest  quamdiu  negabit  Christum  esse  unum  cum  patre  Deum.  Si  enim  non  est  idem  Deus,  et  tamen  Deus  est,  ergo  alius.  Apertius  dicam:  Si  pater  suum  esse  habet  a  se  ipso,  filius  suum  esse  habet  a  patre,  spiritus  ab  utroque,  an  non  tres  essentiae  emergunt?  atque  ita  una  discerpitur?  Et  certe  si  recipitur  eius  commentum,  non  alia  relinquitur  Christo  essentia,  quam  nescio  quid  abstractum:  sicuti  iactant  patris  essentiam  ab  initio,  ne  sterilis  esset  quae  dat  omnibus  foecunditatem,  filium  ex  se  protulisse.  Hic  vero  rursus  fratres  obtestor,  ut  sibi  ab  occultis  decipulis  prudenter  caveant,  quia  si  seorsum  locatur  Christi  deitas  a  patris  deitate,  pluralitas  deorum  inducitur.  Et  detegitur  haec  captio  eius  verbis,  ubi  somnium  esse  dicit,  si  in  unum  conflantur  filius  et  pater.  Conflatura  enim  secundum  eum  nihil  aliud  est,  quam  simplex  essentiae  unitas.  1)  seulement  a  fin  qu'il  ne  pense  icy  nous  vendre  ses  coquilles  sans  que  nous  sachions  d'ou  elles  viennent  et  que  c'en  est.  2)  Christ  ne  dit  pas:  le  Pere  et  moy  ne  sommes  qu'un,  mais:  le  Pere  et  moy  sommes  un.