8:636  donati  sunt,  ex  lege  obtineant  iustitiam.  Sequitur  paulo  post:  Ecce  legis  difficultatem,  imo  impossibilitatem,  si  iugem  observationem  velis:  nihilominus  dabatur  plerisque  ea  mens  ad  certa  saltem  momenta,  ut  legem  cum  affectu  tenentes,  nullam  tunc  transgressionem  facerent,  secundum  illud:  Faciam  ut  in  praeceptis  meis  ambuletis.  Observatio  ergo  legis  erat,  quando  quis  operabatur  quod  poterat,  ete.  Bene  habet,  quod  Deum  plus  iussisse  fatetur,  quam  homines  sint  praestando  :  quum  toties  Simonis  magi  discipulos  esse  clamitet,  qui  in  lege  aliquid  maius  praecipi  dicunt,  quam  ferat  hominum  facultas.  Interim  partiale  obsequium  pro  iustitia  censeri  contendit,  ut  tantum  dimidia  ex  parte  fides  nos  iustificet:  Quia  propterea,  inquit,  non  deletur  operum  bonitas,  quorum  habenda  est  coram  Deo  ratio,  non  tantum  in  Iudaeis  et  gentibus,  sed  etiam  in  nobis.  Annon  gratuitam  iustitiam  labefactat,  qui  fide  tantum  suppleri  dicit,  quod  in  operibus  mutilum  est?  Concludit  demum  iustificationes  fuisse  plures,  ut  pro  quocunque  dicto  vel  facto,  vel  cum  affectu  cogitato,  iuxta  Dei  voluntatem  iustificaretur  homo.  De  nobis  autem  libro  3  tractare  incipiens,  promissam  operibus  mercedem  longo  sermone  prosequitur.  Deinde  recenset  caritatis  elogia.  Tertio  fidei  effectum  aggreditur.  Hoc  vero  docendi  ordine  quid  aliud  agitur,  quam  ut  prius  hominum  mentes  diabolica  operum  fiducia  occupet,  quam  aliquid  concipiant  de  Christi  gratia?  Caeterum  ut  fidei  [pag,  251]  vim  supra  coelos  extollat,  ex  eius  tamen  dictis  nonnisi  mera  confusio  elicitur.  Nam  quum  fides,  secundum  ipsum,  promissionibus  intenta  non  sit,  non  recipit  oblatam  gratis  iustitiam.  Deinde,  quum  gratiae  promiscue  misceatur  operum  iustitia,  non  reperiet  conscientia  ubi  placide  tutoque  quiescat,  ut  beatam  illam  pacem,  cuius  meminit  Paulus,  adepta  intrepidam  Dei  invocationem  cordibus  nostris  dictet.  Postremo  quum  addit  caritatem  esse  quae  fidei  efficaciam  tribuit  eamque  vivificat,  quia  spiritus  sanctus,  qui  caritas  est,  vita  est  ipsius  fidei,  ^t  opera  caritatis  eam  vivam  servant,  pagina  350  talibus  fumis  totam  fidei  naturam  1)  pessime  obscurat.  Huc  accedit,  quod  Epistola  ll  hac  de  re  mecum  data  opera  digladiatur.  Ac  primo  colligit,  sicuti  peccata  non  solum  declarant  hominem  iniustum,  sed  efficiunt:  ita  bonis  operibus  non  solum  monstrari  iustum  hominem,  sed  effici.  Atque  hoc  confirmat,  quia  benefacta  in  gratia  tantum  valent  ad  augendam  gloriam,  quantum  malefacta  in  peccato  ad  augendam  poenam.  Ad  haec,  quia  dicit  Iacobus  non  solum  fide  iustificatum  Abraham,  ratiocinatur,  partim  ergo  id  factum  esse  operibus.  Adbon  expositeur  ne  touche  sinon  ceux  qui  demeurent  en  leur  sensualite.  1)  tout  ce  qu'on  doit  entendre  de  cest  article.