7:636  vis  saeva  et  truculenta.  Quis  iam  tyrannum  ferat  consularis  aut  alterius  legitimi  magistratus,  quem  ipse  sustulerit,  1)  nomine  gloriantem?  Nihilo  autem  minor  est  istorum  impudentia,  qui  postquam  sanctum  illud  regimen,  quum  Christi  iussu  tum  apostolorum  usu  constitutum,  labefactarunt,  eius  tamen  successionem  suae  tyrannidi  obtendunt.  Nam  ut  maxime  continua  fuerit  temporis  series,  si  tamen  interciderit  apostolatus  (quod  lacerato  Dei  cultu,  sepulto  Christi  officio,  exstincta  doctrinae  luce,  pollutis  sacramentis  necesse  est)  quae  manere  potest  successio?  Nisi  forte,  quod  sicuti  mortuo  haeres  succedit,  ita  isti  pietatis  interitu  partam  sibi  dominationem  putant.  Sed  quum  totam  gubernandi  rationem  penitus  mutaverint,  magis  profundum  est  inter  eos  et  apostolos  chasma,  quam  ut  ulla  iuris  communicatio  intercedat.  Atque  ut  locum  hunc  uno  verbo  claudam,  nego  esse  successionem,  cuius  rei  nulla  est  origo.  Nego  item  sacrificandi  munus,  quod  in  suo  sacerdotio  praecipuum  numerant,  unquam  fluxisse  ab  apostolis.  Quare  alios  iam  quaerant  ordinis  sui  autores.  Quod  autem,  eodem  praetextu,  os  occludunt  piis  omnibus,  qui  ecclesiae  instaurationi  student,  quasi  ad  docendi  munus  rite  non  sint  vocati:2)  eo  nihil  assequuntur,  nisi  ut  totus  mundus  intelligat,  non  aliter  [pag.  145]  stare  eorum  tyrannidem  posse,  quam  veritate  oppressa.  Verum  est  quidem,  in  ecclesia  bene  ordinata,  nullos  ad  publicum  docendi  munus  esse  admittendos,  nisi  qui  per  ordinarios  pastores  vocati  fuerint.  Sed  quid  hoc  ad  papatum?  Nisi  ad  Antichristum  Christi  potestas  transferamur.  Dederunt  apostoli  operam,  ut  par  erat,  propagandae  ad  posteros  ecclesiae.  In  hunc  finem  creatos  populi  suffragiis  pastores  ordinarunt.  Postea,  una  cum  doctrinae  puritate,  iusta  eligendi  ratio  obsolevit.  An  nemo  erit  iustus  Christi  minister,  nisi  qui  per  corruptelam  obrepserit?3)  Successionem,  quam  sibi  tanto  supercilio  arrogant,  iam  illis  eripui.  Meminerimus  praeterea,  quum  sacrificos  sua  inauguratione  creent,  non  pastores,  illigari  sacrilegio,  quicunque  illorum  ordinari  manu  sustinent.  Nemo  igitur  poterit,  nisi  malo  detestandoque4)  auspicio,  ad  promovendum  Christi  regnum  accedere?  Imo,  inquiunt,  utcunque  pessum  eant  omnia,  nemo,  nisi  vocatus,  accedat.  Iam  sum  praefatus  nihil  esse  controversiae,  quin  ubicunque  incolumis,  aut  saltem  tolerabilis  est  ecclesiae  status,  exspectanda  sit  ordinaria  vocatio.  Sed  an  propterea  lex  Deo  imposita  est,  quin  extra  ordinem,  qui  collapsam  dirutamque  ecclesiam  restituant,  prophetas  ipse  excitet  suo  spiritu,  ac  alios  1)  qu'il  aura  abbatu  avec  la  liberte  d'une  ville.  2)  Add.  pource  qu'ilz  ne  sont  ne  gressez  ne  souiilez.  3)  Add.  tel  que  porte  la  coustume  du  iourdhuy.  4)  destmandoque  Beza*