6:636  coetum  se  ingerant.  Si  tam  graviter  olim  animadvertit  Deus  in  Corinthios,  quod  minus  reverenter  tractarent  sacram  coenam  (1  Cor.  ll,  30),  quanto  graviorem  poenam  meretur  tam  crassum  eius  ludibrium,  dum  ad  mortuos  transfertur?  Negabunt  se  tantae  impietatis  vel  autores  esse,  vel  approbatores.  Quasi  vero  plus  sit,  duobus  digitis  subscribere,  [pag.  127]  quam  ad  consensus  significationem  afferre  totum  corpus.  At  faciunt  inviti.  Nihil  hoc  ad  me.  Saltem  in  praesentia  nihil  refert  quo  animo  faciant:  tantum  enim  hoc  disputo,  impietatem  hic  committi,  a  qua  fideles  penitus  abhorrere  debeant.  De  missa  quid  sentiat,  video:  rem  scilicet  per  se  honestam  ac  sanctam  esse,  vitiosis  tamen  quibusdam  accessionibus  corruptam.  Ne  frustra  litigemus:  velim  mihi  missam  definiat.  Ego  quidem,  quum  de  missa  loquor,  actionem  illam  intelligo,  quae  in  locum  coenae  dominicae  subrogata  est:  ubi  offertur  Christus  patri  in  sacrificium,  ubi  panis  pro  Deo  adoratur,  ubi  unus  seorsum  vorat  quod  consecravit,  ubi  solennibus  verbis  concipitur  oratio,  ut  valeat  sacrificium  illud  expiandis  vivorum  et  mortuorum  peccatis.  Ex  his,  inquam,  aestimanda  est  missa,  non  autem  ex  fucis  illis,  quibus  picta  est,  ad  fascinandas  hominum  mentes.  Quid  enim,  si  colores  furatus  sit  Satan  a  Christo  et  apostolis,  ad  tegendam  abominationem,  cuius  ipse  solus  autor  erat  et  architectus?  Ornet  igitur  quam  volet  honorificis  elogiis  hic  bonus  vir  suam  missam,  non  tamen  ita  oculos  mihi  perstringet,  ut  praetextu  contentus  corpus  ipsum  vel  substantiam,  ut  loquuntur,  intueri  desinam,  [pag.  128]  Porro,  ut  illi  concedam,  multas  illic  esse  corruptelas,  quae  a  bonis  initiis  ortae  sint:  nunquam  id  a  me  obtinebit,  missam  esse  coenam  Domini,  vitiatam  extraneis  quibusdam  inquinamentis:  pugnat  enim  modis  omnibus  cum  coena  Domini:  ut  nihil  magis  contrarium  fingi  queat.  Nam  si  inde  melior  aut  saltem  tolerabilior  illi  videtur,  quia  abusus  est  coenae  dominicae:  respondeat  mihi,  unde  omnia  gentium  sacra,  etiam  Aegyptiorum,  quibus  nihil  est  absurdius  aut  foedius,  manarint.  An  non  ex  legitimis  sacrificiis  r  quae  a  Deo  ipso  primi  patriarchae  acceperant?  Nam  quum  initio  purum  unius  Dei  cultum  haberent  filii  Noah,*)  posteris  etiam  quasi  per  manus  tradiderunt:  brevi  autem  factum  est,  ut  hi  degenerarent  a  sanctis  maiorum  institutis.  At  maiori  abominatione  digna  fuerunt  sacra  gentilium,  quod  diis  alienis  nomina-  1)  Praeter  principem  omnes  mendose  scribunt:  Noath,  quod  Amstelodamensis  demum  emendavit  in  Noach.