35:636  QUATRIEME  SERMON  Isa.  Chap.  LIII.  7.  Il  a  este  chastie  et  afflige,  et  n'a  point  ouvert  sa  houche:  il  a  este  mene  a  la  mort  comme  un  mouton:  et  comme  un  agneau  devant  celuy  qui  le  tond:  il  a  este  muet  j  et  n!  a  'point  ouvert  sa  bouche.  S.  Il  a  este  esleve  d'angoisse  et  de  iugement:  et  qui  racontera  son  aage?  Il  a  este  retranche  de  la  terre  des  vivans  et  a  souffert  les  playes  qui  estoyent  deues  a  mon  peuple.  Le  Prophete  nous  ayant  declare  que  nous  devons  regarder  chacun  a  soy  et  a  ses  fautes,  pour  prendre  goust  a  la  mort  et  passion  de  nostre  Seigneur  Iesus  Christ,  adiouste  maintenant  que  ce  qu'il  a  souffert,  ce  n'est  point  par  force,  mais  de  son  bon  gre:  Comme  aussi  sans  cela  nous  ne  serions  pas  iustifiez  et  l'appointement  ne  seroit  point  fait  entre  Dieu  et  nous:  ascavoir  si  Iesus  Christ  n'eust  repare  nos  transgressions  par  son  obeissance:  Si  donc  la  mort  du  Fils  de  Dieu  eust  este  forcee,  et  qu'il  ne  s'y  fust  point  assuietti  volontairement,  ce  n'eust  pas  este  un  sacrifice  pour  effacer  nos  fautes:  comme  S.  Paul  aussi  nous  rameine  la,  en  disant  que  nos  rebellions  ont  este  abolies  par  l'obeissance  d'un  homme.  Qui  a  este  cause  de  nous  rendre  Dieu  ennemi,  et  l'est  encores  maintenant,  sinon  d'autant  que  nous  ne  cessons  de  l'offenser?  Il  nous  a  cree  pour  iouir  paisiblement  de  nous:  mais  quand  nous  refusons  de  porter  son  ioug,  il  faut  qu'il  nous  deteste,  et  desavoue  pour  ses  creatures  et  a  bon  droict.  Or  donc  voyla  pourquoy  il  est  dit  que  non  seulement  nostre  Seigneur  Iesus  a  este  chastie  pour  nos  fautes  et  iniquitez,  mais  qu'il  n'a  point  ouvert  sa  bouche,  et  n'y  a  point  eu  de  contredit  en  luy:  mais  cognoissant  qu'il  estoit  ordonne  a  cela,  et  que  tel  estoit  le  conseil  eternel  de  Dieu  son  Pere,  il  s'est  monstre  obeissant  iusques  a  la  mort.  Ainsi  quand  nous  voudrons  encores  mieux  sentir  la  vertu  de  la  mort  et  passion  du  Fils  de  Dieu,  qu'un  chacun  pense  en  combien  de  sortes  il  a  contrevenu  a  la  volonte  de  Dieu  et  a  sa  iustice.  Or  nous  trouverons  que  nous  ne  cessons  de  luy  faire  la  guerre,  comme  si  nous  le  voulions  despiter  a  nostre  escient.  Il  ne  se  faut  donc  point  esbahir  si  nous  avions  besoin  d'un  tel  remede;  c'est  ascavoir  que  le  Fils  de  Dieu  pour  ensevelir  la  memoire  de  toutes  nos  rebellions,  se  rendist  obeissant  en  nostre  lieu.  Il  est  vray  que  nostre  Seigneur  Iesus  a  parle  devant  Pilate  son  iuge:  mais  ce  n'a  pas  este  pour  eschapper  la  mort:  plustost  il  s'y  est  offert  :  Et  mesmes  il  n'a  voulu  accepter  nulle