25:636  Ie  vous  monstreray  seulement  le  chemin  pour  vous  guider,  et  cependant  ie  prendray  la  peine  pour  moy,  et  de  l'honneur  ie  le  vous  quitte.  Et  c'est  ce  qui  doit  estre  en  tous  bons  Magistrats  et  gouverneurs  d'un  peuple,  c'est  assavoir,  qu'ils  puissent  retenir  l'authorite  qui  est  requise  :  car  c'est  a  ceste  condition  aussi  que  Dieu  les  a  establis.  Mais  quoy  qu'il  en  soit,  qu'ils  ne  cherchent  point  leur  propre  :  mais  qu'ils  demandent  de  s'accommoder  tant  qu'il  leur  est  possible,  observans  tousiours  la  charge  principale  qui  leur  est  commise  de  Dieu.  Or  venons  maintenant  a  ce  que  Moyse  entrelace  touchant  la  multitude  du  peuple:  ii  dit:  Vostre  Dieu  vous  a  augmentee  en  sorte  que  vous  estes  comme  les  estoilles  du  ciel,  et  ie  le  prie  qu'il  vous  augmente  mille  fois  plus:  ou  bien,  il  vous  augmentera  mille  fois  plus  selon  qu'il  vous  a  promis.  Icy  Moyse  en  alleguant  la  difficulte  qu'il  avoit  de  cognoistre  de  toutes  causes,  remonstre  aussi  au  peuple  la  benediction  et  la  grace  de  Dieu.  Et  en  cela  voit-on  qu'il  a  travaille  principalement,  pour  faire  sentir  au  peuple  les  biens  qu'il  recoit  de  la  main  de  Dieu:  comme  c'est  aussi  une  doctrine  laquelle  ne  peut  estre  trop  ramentue.  Car  nous  voyons  d'un  coste  l'ingratitude  qui  est  en  nous,  que  nous  fermons  les  yeux  aux  biens  que  Dieu  nous  eslargit,  non  pas  que  nous  n'appettions  de  les  avoir,  mais  cependant  nous  ne  cognoissons  pas  dont  ils  nous  procedent  pour  en  glorifier  l'autheur.  Et  au  reste,  nous  abusons  des  graces  que  nous  avons  receues,  d'autant  qu'il  ne  nous  souvient  point  que  c'est  Dieu  qui  nous  les  a  mises  entre  mains.  Qui  pis  est,  nous  voyons  comme  les  hommes  s'eslevent,  tellement  que  la  gloire  de  Dieu  est  obscurcie  par  eux,  %comme  s'ils  ne  tenoyent  rien  de  luy.  Et  non  seulement  cela,  mais  il  semble  qu'ils  soyent  armez  pour  luy  faire  la^uerre  quand  il  s'est  monstre  liberal  envers  eux<  et  comme  il  sera  dit  au  chapitre  trentedeuxiemeV  Ils  sont  comme  les  chevaux  qui  sont  trop  engraissez,  qui  regimbent  contre  leur  maistre.  Voila,  di-ie,  comme  Dieu  ne  sera  point  recognu  de  nous  en  ses  benefices:  et  puis  quand  nous  l'avons  mis  en  oubli,  nous  sommes  comme  prophanes,  et  toutes  ses  graces  sont  polluees  par  nous.  Voyans  cela,  notons  que  ceste  doctrine  ne  nous  peut  estre  trop  souvent  mise  en  avant,  c'est  quand  Dieu  nous  a  choisis  a  soy,  qu'il  nous  a  obligez  a  luy  tant  et  plus.  Et  pourtant  il  nous  propose  et  nous  met  devant  les  yeux  ses  biens,  afin  que  nous  cognoissions  qu'il  est  prest  de  les  continuer  envers  nous,  moyennant  que  nous  ne  l'empeschions  par  nostre  ingratitude.  Quand  donc  on  nous  traittera  souvent  de  la  bonte  gratuite  de  nostre  Dieu,  et  qu'on  nous  declairera  en  quelle  richesse  il  a  espandu  ses  benefices  sur  nous,  combien  qu'il  nous  semble  que  cela  soit  assez  vulgaire,  et  que  nous  l'ayons  desia  assez  entendu,  sachons