9:635  635  BREVIS  ADMONITIO  636  disti  in  altum  (Psal.  68,  19).  Paulus  docet  id  in  Christo  impletum  fuisse  (Ephes.  4,  8).  Ad  haec,  si  quid  Dei  [pag.  7]  proprium  est,  singularibus  elogiis  insignitur  in  his  verbis:  Tu  initio  Iehova  fundasti  coelum  et  terram  (Psal.  102,  26).  Item:  Adorate  eum  omnes  angeli  (Psal.  97,  7).  Atqui  apostolus  Christo  vendicat  (Hebr.  1,  10):  sequitur  ergo  illic  sub  Dei  nomine  totam  divinam  essentiam  designari,  quae  Christo  et  spiritui  communis  est  cum  patre.  Ac  proinde  quoties  suas  distinctiones  mihi  obtrudet  tabulae  fictor,  in  promptu  erit  regerere,  ubi  confertur  Christus  cum  patre,  merito  distingui  personas*,  ubi  autem  simpliciter  nominatur  Deus,  minime  filium  excludi.  Et  certe  si  soli  patri  convenit,  esse  vitam,  falsum  erit  illud  Ioannis  (1.  Ioh.  5,  20):  Hic  est  verus  Deus  et  vita  aeterna.  Quaero  enim  an  alium  verum  Deum  inducat,  quam  qui  apud  Mosen  et  prophetas  celebratur?  Adde  etiam,  quamvis  Malachias  peculiariter  de  Christo  loquatur,  ei  tamen  ascribere  quod  transferri  fas  non  est  a  vero  et  unico  Deo  Israelis.  Nam  cui  dicatum  fuit  templum  in  monte  Sion?  cui  oblata  fuerunt  sacrificia?  Certe  praeter  verum  Deum  illic  numen  colere,  sacrilega  fuisset  profanatio,  [pag.  8]  Malachias  autem  de  Christo  loquens:  Veniet,  inquit  (Malach.  3,  1),  ad  templum  suum  dominator  quem  vos  quaeritis.  Nempe  quia  Iehovah  nominatur  apud  Ieremiam  (23,  6),  colendus  semper  simul  cum  patre  fuit.  Nam  quid  valeat  nomen  Iehovae  diligenter  piaque  attentione  expendere  convenit  in  hac  causa.  Hoc  elogio  Deus  Israelis  non  tantum  se  ab  omnibus  creaturis  separat,  sed  ostendit  non  alibi  quam  in  se  uno  quaerendam  esse  essentiam.  Hoc  nomen  dum  prophetae  cum  Christo  communicant,  satis  clare  demonstrant  eum  esse  qui  apud  Mosen  sic  loquutus  est.  Alioqui  non  modo  Stephanus,  ubi  Christum  precatus  est  (Act.  1,  59),  violasset  legitimam  precandi  formam,  sed  tota  quoque  ecclesia  eiusdem  impietatis  rea  foret.  Deus  Israelis,  quem  tabulae  fictor  vult  esse  solum  patrem,  sacrificiis  omnibus  praefert  invocationem  sui  nominis,  atque  hunc  sibi  honorem  vendicat  tanquam  praecipuum  sacrificium  (Psal.  50,  14).  Quid  autem  Stephanus?  precationem  suam  ad  Christum  dirigit.  Ananias  autem  apud  Lucam  dicit  pios  omnes  invocasse  Christi  [pag.  9]  nomen  (Act.  9,  14).  Quomodo  haec  inter  se  convenient,  Christum  rite  invocari,  et  tamen  non  esse  illum  Deum,  qui  per  Davidem  illud  sacrificium  laudis  exigit?  Eversum  est  igitur  figmentum  illud,  ubique  scripturam  distincte  de  patre  et  filio  loqui,  quum  saepe  unicam  utriusque  deitatem  commemoret  sub  uno  Iehovae  nomine.  Ubi  autem  filius  patri  adiungitur,  mirum  non  est  suam  cuique  personam  attribui.  Quanquam  dum  multam  congeriem  affectat  tabularius,  locos  nonnullos  male  detorquet.  Scio  veteres