7:635  635  VEKA  ECCLESIAE  636  neficia  coeperunt  episcopatus.  Huc  accedit  manifesta  simoniae  foeditas.  Qua  enim  commendatione,  ut  plurimum,  nunc  ad  honorem  pervenitur?  Ego  sane  longa  recitatione  adeo  non  delector,  ut  tam  flagitiosa  christiani  nominis  probra  vel  attingere  pigeat.  Bene  tamen  habet  quod  me  tacente  res  loquitur,  nihil  ab  ordine  apostolorum  magis  discrepare,  quam  talem  grassandi  licentiam,  qua  hodie  episcopatus  occupantur.  Quum  Apostolus  disputat,  qualiter  secundum  ordinem  Melchizedec  constitutus  sit  pontifex  filius  Dei,  diligenter  similitudinem  persequitur,  sine  qua  non  constaret  illa  a  Davide  posita  comparatio.  Nisi  velint  singulari  quodam  novoque  privilegio  se  extollere  supra  filium  Dei,  ostendant  quomodo  ad  rationem  apostolicam  compositi  sint  hodierni  episcopatus.  Nempe  inter  hos  et  illam  optime  conveniet,  [pag.  143]  si  is  qui  plebem  commissam  tota  vita  nunquam  videt,  si  puer  decennis,  si  leno,  si  aleo,  si  venator,  in  omni  nequitia  exercitati,  omnis  et  pietatis  et  liberalis  doctrinae  expertes,  apostolorum  personam  sustineant.  Aliud  etiamnum  exoritur  maius  certamen  :  nam  si  eos  constet  infensissimos  esse  eius  doctrinae  hostes,  quam  apostoli  non  modo  prodiderunt,  sed  proprio  etiam  sanguine  obsignarunt:  si  omnia  eorum  consilia,  conatus  omnes,  totumque  institutum  huc  tendere  palam  fiat,  ut  quod  summis  laboribus  constituerunt  apostoli,  ex  professo  evertant:  quid  amplius  volumus?  Detur  modo  nobis  audientia,  facile  ostendemus,  vix  ullam  esse  sanae  doctrinae  partem,  quam  non  suis  corruptelis  infecerint.  Hoc  quidem  obtinebimus:  purum  Dei  cultum  impiis  superstitionibus  ipsos  contaminasse:  infinitis  erroribus  implicuisse  tum  fidei,  tum  poenitentiae  doctrinam  :  Christi  virtutem  ac  gratiam  non  obscurasse  tantum  variis  tenebris,  sed  propemodum  exstinxisse:  adulterasse  indignis  modis  sacramenta.  Id  iam  totos  triginta  annos  egerunt  Christi  servi.  In  eodem  hodie  cursu  pergimus.  Nihil  dico,  cuius  libri  nostri  non  sint  luculenti  testes.  Boni  viri  ubi  se  plus  quam  convictos,  et  letaliter  confossos  vident,  negant  apostolorum  successoribus  exhibendam  esse  molestiam.  Atqui,  huius  rei  cognitio  ex  doctrinae  discussione  petenda  erat.  Ad  eam  ultro  ipsos,  freti  bonae  causae  fiducia,  provocamus.  Ne  respondeant,  praeiudicium  de  hoc  ipso  fieri  volunt,  quod  in  quaestionem  vocatur.  Itane?  Ut  qui  omnia  apostolis  habent  contraria,  sola  temporis  continuatione  se  eorum  tenere  [pag.  144]  locum  vicesque  agere  probent?  Atqui  eodem  colore,  qui  homine  iugulato  in  eius  domum  involaverit,  se  illius  iactabit  esse  vicarium.  Multo  plus  a  ratione  illa  gubernandi,  quam  nobis  apostoli  commendant,  distat  papatus,  quam  a  libero  ac  bene  composito  libertatis  statul)  tyrannis,  quam-  1)  un  estat  bien  ordonne  en  quelque  ville  franche.