5:635  ACTES  DE  RATISBONNE.  a  restituer  l'honneur  et  le  vray  usage  de  l'Eucharistie.  Pour  le  premier  il  fauldra  oster  ceste  grande  multitude  de  Messes.  Sainct  Hierosme  et  sainct  Augustin  n'osoyent  pas  approuver  mesmes  de  leur  temps,  qu'on  en  celebrast  tous  les  iours:  combien  que  pour  lors  il  y  eust  bien  aultre  discipline  en  l'Eglise,  pour  scavoir  lesquelz  on  devoit  admettre  au  Sacrement  ou  reietter.  Car  quand  ce  venoit  a  faire  le  mystere,  on  faisoit  commandement  a  tous  ceulx  qui  n'estoyent  pas  encores  baptisez,  ou  qui  estoyent  de  mauvaise  vie,  ou  qui  ayant  commis  quelque  crime,  n'avoyent  pas  encores  faict  penitence,  no  receu  absolution,  de  se  departir,  et  ne  permettoit  on  point  a  personne  d'assister  a  la  consecration,  sinon  qu'il  fust  tenu  digne  de  recevoir  le  Sacrement.  En  laquelle  discretion  on  avoit  si  grand  esgard  que  sainct  Chrysostome  a  escript  de  sa  personne:1)  Ie  bailleray  plustost  ma  vie  que  le  Corps  du  Seigneur  a  un  homme  qui  en  sera  indigne,  et  plustost  souffriray  qu'on  espande  mon  sang,  que  de  conceder  ce  sang  tant  sacre  a  un  homme  indigne.  Et  de  vray,  si  l'homme  se  rend  coulpable  du  Corps  et  du  sang  de  Iesus  Christ,  en  les  recevant  indignement,  celuy  qui  les  donne,  ou  aucunement  communique  a  ceulx  qui  en  sont  indignes,  l'enveloppent2)  en  [fol.  149]  semblable  damnation.  Pourtant  en  l'Eglise  ancienne  on  ne  tiroit  point  la  courtine  iusques  a  co  que  toutes  gens  de  vie  impure  et  dissolue  se  fussent  retirez.  Il  fauldra  doncques  oster  ceste  grande  multitude  de  messes,  et  n'y  admettre  personne,  s'  ion  ceux  qu'on  iugera  estre  dignes  de  la  communion,  et  fauldra  aussi  diligemment  exhorter  tous  les  assistans  a  communiquer.  Car  ce  Sacrement  n'est  pas  institue  pour  estre  regarde,  mais  pour  estre  receu.  Pourtant  anciennement  on  commandoit  a  tous  les  assistans  de  le  recevoir  sur  peine  d'excommunication.  Car  le  Pape  Calixte  dit  que  les  Apostres  l'ont  ainsi  institue,  et  que  l'Eglise  .Romaine  l'a  observe.  3)  Et  en  un  aultre  lieu,  semblable  constitution  est  alleguee  des  Canons  des  Apostres.  Parquoy  sainct  Chrysostome  a  eu  droict  iugement,  disant  que  le  ministre  faict  en  vain  l'oblation  et  en  vain  se  presente  a  l'autel,  quand  nul  ne  communique,  veu  que  tous  ceulx  qui  sont  indignes  de  la  communion  s'en  doivent  aller  quand  la  consecration  se  faict.  Ce  que  aussi  le  Diacre  commandoit  en  l'authorite  de  l'Eglise  de  Christ.  Il  adiouste  puis  apres  que  celuy  qui  est  indigne  de  participer  au  Sacrement,  n'est  pas  digne  d'avoir  la  communion  des  prieres.4)  D'avantage,  affin  que  le  peuple,  comme  faict  main-  1)  Hom.  83.  sur  S.  Mathieu.  2)  Lisez:  s'enveloppe.  3)  Ca.  per  acta,  de  Consecr  Dist.  2.  et  1.  dist.  ca.  omnes.  4)  Hom.  3.  sur  l'Ep.  aux  Ephesiens.