49:635  635  SERMONS  636  fait  de  Dieu.  Voyla  dont  procedent  tant  de  murmures  que  iournellement  ou  orra.  Il  y  a  aussi  les  envies  :  car  un  chacun  voudroit  estre  maistre,  et  ne  peut  souffrir  que  son  compagnon  soit  plus  avance  :  et  ce  qui  est  advenu  a  l'un,  les  autres  pensent  qu'il  soit  perdu  pour  eux.  La  dessus  ils  en  grondent  :  brief  le  monde  est  plein  de  murmures.  Et  toutesfois  Dieu  a  declare  un  coup  qu'il  ne  les  peut  porter.  Et  si  les  punitions  ne  s'en  font  auiourd'-  huy  telles,  nous  avons  neantmoins  la  un  tesmoignage  infaillible  qu'en  la  fin  il  faudra  venir  a  conte.  Par  la  nous  voyons  combien  le  monde  est  stupide,  de  ne  point  estre  touche  des  iugemens  de  Dieu:  car  au  contraire  on  les  laisse  couler,  et  on  ne  s'en  fait  que  rire.  Or  tant  y  a  que  nous  devons  bien  retenir  ce  qui  est  ici  declare  par  S.  Paul:  c'est  que  Dieu  nous  a  advertis  d'estre  paisibles,  et  qu'un  chacun  se  contente  de  sa  condition,  et  que  nous  ne  soyons  point  eslevez  en  outrecuidance,  pour  nous  avancer  plus  qu'il  ne  nous  appartient:  et  que  nous  ne  soyons  pas  aussi  menez  d'un  esprit  d'amertume,  pour  nous  despiter,  quand  nous  verrons  que  nostre  Seigneur  honore  nos  prochains:  mais  que  nous  ayons  ceste  mansuetudo  de  cheminer  en  nostre  degre,  et  qu'un  chacun  tasche  de  servir  a  ses  prochains,  en  s'employant  fidelement  en  ce  a  quoy  il  sera  appele,  et  n'usurpant  non  plus.  Mais  afin  que  nous  facions  mieux  nostre  profit  de  ce  passage  regardons  l'histoire  dont  sainct  Paul  fait  mention.  Nous  scavons  que  ces  trois  qui  ont  este  nommez,  ascavoir  Core,  Dathan  et  Abirom,  s'esleverent  contre  Aaron  et  Moyse,  pour  ce  qu'il  leur  sembloit  que  ceste  authorite  qu'avoit  Aaron  et  Moyse,  estoit  par  trop  grande.  Comment?  (disoyentils)  ne  sommes  nous  pas  le  peuple  de  Dieu?  ne  sommes  nous  pas  de  Ja  lignee  d'Abraham?  et  l'heritage  n'est-il  pas  commun  a  tous?  Pourquoy  donc  deux  hommes  seront-ils  ici  en  telle  superiorite  par  dessus  tout  le  reste  du  peuple  ?  Or  il  est  vray  que  de  prime  face  on  eut  dit  que  cela  s'adressoit  a  deux  hommes:  mais  Dieu  prend  la  querele.  Pourquoy?  C'est  luy  qui  a  ordonne  Moyse  et  Aaron,  comme  aussi  ils  le  protestent,  disans,  Et  qui  sommes  nous?  Par  ces  mots  il  est  declare  que  Moyse  et  Aaron  ne  s'estoyent  pas  ingerez,  et  n'avoyent  rien  entreprins:  mais  qu'ils  avoyent  obey  simplement  a  Dieu,  et  avoyent  exerce  la  charge  qui  leur  estoit  commise.  Ainsi  Dieu  fait  une  horrible  vengence  d'un  tel  murmure:  car  il  est  dit,  Ne  croyez  point  que  Dieu  nous  ait  envoyez,  sinon  qu'il  adviene  quelque  chose  digne  de  memoire:  car  s'il  y  avoit  quelque  punition  commune,  cela  encores  pourroit  estre  mesprise:  mais  vous  verrez  (dit  Moyse)  une  chose  espouvantable:  et  par  cela  vous  scaurez  que  nous  gouvernons  en  l'authorite  de  Dieu  et  non  point  a  nostre  appetit.  Or  la  terre  s'ouvre  pour  engloutir