48:635  635  SERMONS  636  que  Iesus  Christ  en  est  l'autheur.  Voyla  donc  a  quoy  il  nous  faut  applicquer  ceste  histoire.  Et  au  reste,  que  nous  soyons  tellement  unis  sous  ce  Chef,  que  nous  adorions  Dieu  d'un  coeur  et  d'une  bouche,  et  que  cependant  nous  soyons  conioints  ensemble.  Car  il  n'est  pas  dit  que  les  Apostres  ayent  este  conioints  avec  tous  d'un  accord.  Ils  avoyent  toute  la  ville  de  Ierusalem  pour  ennemie,  et  toutesfois  ils  n'ont  point  laisse,  combien  qu'ils  fussent  en  petit  nombre,  combien  qu'ils  fussent  gens  contemptibles,  de  persister  et  d'estre  la  unis  et  recueillis  ensemble  sous  l'enseigne  de  Dieu  au  nom  de  Iesus  Christ.  Ainsi  maintenant,  voyans  que  tant  de  chiens  mastins  abbayent  contre  nous,  voyans  que  le  diable  suscite  tant  de  troubles  et  en  diverses  facons,  que  nous  soyons  tant  plus  conioints  et  en  plus  grande  fermete,  et  que  ie  lien  de  nostre  concorde  soit  indissoluble,  tellement  que  nous  despitions  Satan  et  tous  ses  supposts  par  ce  moyen-la.  Ii  est  vray  que  nous  devons  chercher  paix  en  general  avec  tous  sans  exception:  nous  devons  aimer  ceux  qui  nous  hayssent  et  nous  persecutent,  nous  devons  desirer  leur  salut,  combien  qu'ils  n'en  soyent  pas  dignes:  mais  tant  y  a  qu'il  nous  leur  faut  estre  ennemis,  autrement  il  nous  faudroit  separer  de  Iesus  Christ.  Despitons  donc  tout  le  monde,  et  mesmes  cognoissons  qu'il  nous  faut  quitter  nousmesmes  pour  estre  conioints  au  Fils  de  Dieu,  et  qu'il  ne  nons  face  point  mal  de  susciter  la  rage  des  incredules  a  l'encontre  de  nous,  quand  nous  tascherons  a  nous  accorder  ensemble  et  d'estre  unis  au  nom  de  Iesus  Christ.  Et  cognoissans  qu'il  avoue  nostre  accord,  combien  que  nous  ne  soyons  qu'une  poignee  de  gens,  mesprisons  hardiment  tout  le  monde  et  tous  ceux  qui  sont  gouvernez  par  Satan