35:635  635  S  E  R  M  O  N  S  636  peut  pas  aider  du  remede  que  Dieu  luy  presente,  mais  le  reiette  entant  qu'en  luy  est:  son  ingratitude  empesche  qu'il  ne  iouisse  de  la  grace  qui  luy  est  offerte.  Et  d'autant  plus  serons-nous  inexcusables,  veu  que  ceci  nous  est  iournellement  presche.  Car  Dieu  ne  s'est  point  contente  d'avoir  envoye  son  Fils  pour  un  coup,  et  l'avoir  expose  a  la  mort,  de  l'avoir  frappe  en  son  ire,  combien  qu'il  l'aimast  comme  son  Fils  unique  (car  combien  qu'il  l'ait  voulu  abysmer  en  apparence,  et  qu'il*  ait  use  de  toute  rigueur  contre  luy,  si  est-ce  qu'il  a  tousiours  este  le  Fils  bien  aime  comme  nous  avons  dit:  mais  le  tout  a  este  afin  que  nous  fussions  absous)  il  ne  s'est  point,  di-ie,  contente  de  cela:  Mais  iournellement  il  nous  propose  ce  thresor,  afin  que  nous  en  iouissions:  il  nous  declare  que  Iesus  Christ  qui  a  eu  son  coste  perce,  a  auiourd'huy  son  coeur  comme  ouvert,  afin  que  nous  ayons  certitude  de  l'amour  qu'il  nous  porte:  Et  que  comme  il  a  eu  les  bras  attachez  en  la  croix,  maintenant  il  les  a  estendus  pour  nous  attirer  a  soy:  Et  qu'il  veut  que  toutes  ces  choses-la  nous  profitent:  que  comme  il  a  espandu  son  sang,  il  veut  qu'auiourd'huy  nous  soyons  plongez  la  dedans.  Quand  donc  Dieu  nous  convye  si  doucement,  et  que  Iesus  Christ  nous  propose  aussi  le  fruit  de  sa  mort  et  passion,  qu'il  nous  monstre  que  son  sang  est  tousiours  frais  (comme  l'Apostre  en  parle  en  l'Epistre  aux  Hebrieux)  que  ce  n'est  point  un  sang  qui  desseche,  ne  qui  defaille:  mais  d'autant  qu'il  s'est  sanctifie  par  sa  vertu  celeste  qu'il  ha  tousiours  ce  sang  frais:  comme  aussi  l'Apostre  a  use  de  ce  mot  la:  que  nous  scachions  que  sa  vertu  n'est  pas  amoindrie,  et  qu'elle  ha  tousiours  son  efficace  plene  et  entiere,  et  telle  qu'elle  avoit  du  commencement,  afin  que  nous  venions  tous  nous  ranger  a  nostre  Seigneur  Iesus  Christ.  Et  apres  avoir  confesse  nos  povretez  et  y  estre  confus,  que  nous  ne  doutions  pas  toutesfois  qu'il  ne  soit  suffisant  pour  y  donner  tel  remede,  que  nous  pourrons  conclure  que  nous  sommes  receus  et  avouez  de  Dieu,  comme  ses  propres  enfans,  et  qu'il  nous  tient  pour  iustes  et  parfaits,  au  lieu  que  nous  estions  abominables  devant  luy.  Voyla  ce  que  nous  avons  a  retenir  de  cette  doctrine.  Auiourd'huy  voyans  que  les  uns  se  gaudissent  et  se  mocquent,  les  autres  s'eslevent  en  orgueil  et  presomption,  et  cuident  par  leur  iustice  satisfaire  a  Dieu:  que  nous  renoncions  a  tels  blasphemes,  et  qu'en  vraye  foy  et  repentance  nous  cherchions  nostre  Seigneur  Iesus  Christ,  et  que  toute  nostre  affection  soit  de  nous  venir  ranger  a  luy,  quand  nous  sentirons  que  nous  sommes  ainsi  chargez  de  ce  fardeau  insupportable.  Or  nous-nous  prosternerons  devant  la  maieste  de  nostre  bon  Dieu,  en  cognoissance  de  nos  fautes,  le  prians,  etc.