25:635  635  SERMON  III.  636  droit  point  prendre  un  vacher  en  sa  maison  ou  un  berger  sous  esperance,  sinon  qu'il  l'ait  cognu,  ou  qu'on  luy  en  responde,  et  qu'il  ne  sache  que  c'est,  celuy-la  ira  establir  au  siege  de  Dieu  un  homme  duquel  il  n'a  nulle  cognoissance,  et  dont  il  ne  peut  rendre  nul  iugement?  Ainsi  donc,  avisons  a  nous,  et  sur  tout,  quand  Dieu  nous  fait  ceste  grace,  voire  ce  privilege  qui  n'est  point  commun  a  tout  peuple,  d'elire  gens  qui  gouvernent:  qu'ils  n'abusent  pas  d'un  tel  don  de  Dieu,  autrement  on  sera  tout  esbahy  qu'on  s'en  trouvera  despouille.  Et  voila  pourquoy  les  tyrannies  sont  venues  au  monde,  que  la  liberte  a  este  perdue  en  tous  peuples,  qu'il  n'y  a  plus  election  aucune,  voire  mesmes  que  les  princes  vendront  la  iustice,  que  les  choses  sont  si  confuses  que  c'est  un  horreur.  Qui  en  a  este  cause,  sinon  que  les  peuples  qui  avoyent  quelque  election  en  ont  abuse,  et  par  ce  moyen  ont  este  dignes  que  Dieu  les  privast  de  l'honneur  qu'il  leur  faisoit?  car  n'est-ce  pas  provoquer  quasi  a  son  escient  l'ire  de  Dieu,  et  le  despiter,  quand  on  aura  une  election  libre,  la  ou  il  faut  choisir  gens  qui  servent  a  Dieu,  et  qui  soyent  comme  ses  officiers,  qu'au  lieu  de  cela  on  face  des  brigues  par  les  tayernes,  et  qu'on  ordonne  comme  par  despit  de  Dieu  et  par  moquerie,  ceux  qui  sont  les  plus  dissolus  et  desbordez.  Ne  voila  point  pervertir  tout  ordre?  Bref  il  semble  qu'on  vueille  dechasser  Dieu  de  son  siege,  quand  on  y  met  ainsi  ses  ennemis,  et  ceux  qui  le  contemnent,  et  ne  demandent  sinon  a  fouller  son  nom  et  sa  maieste  au  pied.  Quand  cela  y  est,  se  doiton  esbahir  que  Dieu  envoye  de  telles  confusions  au  monde  comme  on  les  voit?  Ainsi  donc,  d'autant  plus  nous  faut-il  bien  noter  ceste  doctrine,  ou  il  est  dit,  que  quand  Dieu  donne  a  un  peuple  la  liberte  d'eslire  gens,  qu'il  ne  faut  point  abuser  de  cela,  mais  qu'on  les  doit  choisir  avec  discretion.  Et  mesmes  d'autant  que  nous  y  pourrions  estre  trompez  tous  les  coups,  il  est  question  de  recourir  a  Dieu,  afin  qu'il  nous  donne  prudence,  et  qu'il  nous  gouverne  par  son  sainct  Esprit,  comme  s'il  nous  avoit  marque  au  doigt  ceux  que  nous  devons  choisir.  Et  voila  pourquoy  i'ay  dit  que  iamais  les  elections  ne  seront  bien  reiglees,  que  Dieu  ne  preside  dessus  par  son  sainct  Esprit.  En  la  fin  Moyse  dit:  le  les  ordonneray  sur  vous,  afin  quHls  vous  gouvernent.  Il  declare  que  Dieu  luy  avoit  donne  l'authorite,  mais  cependant  si  voit-on  qu'il  a  communique  avec  le  peuple,  et  a  monstre  par  effect  ce  que  nous  avons  veu,  c'est  qu'il  ne  s'attribue  point  une  puissance  desbordee,  mais  il  cognoist  que  Dieu  l'avoit  oblige  au  bien  commun.  Ainsi  donc  Moyse  a  authorite,  et  cognoist  bien  que  Dieu  l'a  voulu  eslever  par  dessus  le  reste  du  peuple,  mais  cependant  si  est-ce  qu'il  n'abuse  point  de  son  droit,  mais  il  remet  le  tout  au  peuple.  Comme  s'il  disoit: