23:635  635  NOTICE  PRELIMINAIRE.  636  seul,  en  lieu  d'estre  'pleins  de  confiance:  d'avoir  une  charite  non  feinte  envers  nos  prochains,  en  lieu  de  V  envie  et  haine  que  nous  leur  portons  avant  qu'estre  regenerez:  d'avoir  une  integrite  et  droiture  appartenante  a  la  vie  eternelle,  en  lieu  de  toute  iniquite  en  laquelle  nous  nous  nourrissons  comme  le  poisson  en  l'eau.  Brief,  si  nous  n'estimons  peu  de  chose,  que  tous  les  dons  supernaturels  du  tout  abolis  en  l'homme  par [p. 7]  le  peche,  nous  sont  rendus  par  un  seul  Iesus  Christ:  et  que  la  raison,  intelligence,  iugement,  volonte,  et  autres  tels*  dons  naturels  en  l'homme  receus  tous  de  son  Createur.,  mais  par  sa  mesme  cheute  corrompus,  sont  aussi  par  le  mesme  Sauveur  reintegrez  en  nous  :  pour  dire  en  un  mot,  si  l'image  de  Dieu,  qui  par  la  desobeissance  de  l'homme  avoit  este  effacee,  est  reparee  en  nous  par  nostre  'Redempteur,  qui  seul  nous  a  reconciliez  a  Dieu  son  Pere,  nous  purgeant  de  nos  pechez,  nous  faisant  ses  freres,  et  heritiers  du  royaume  des  cieux,  affranchis  de  la  tyrannie  de  peche  et  du  diable,  s'estant  appovri  pour  nous  enrichir  et  pour  nous  faire  princes  et  compaignons  des  Anges,  par  sa  mort  nous  recouvrant  la  vie:  si  ces  biens-la,  di-ie,  qui  sont  inestimables,  ne  sont  legerement  consideres  de  nous,  nous  les  priserons,  comme  il  le  faut,  sur  toutes  choses:  voire  nous  quitterons  et  abandonner  ons  tout  pour  les  cercher  et  posseder,  sans  nous  en  lasser  par  travail  aucun,  ne  perdre  courage,  veu  que  c'est  au  pain  de  la [p. 8]  parole  de  Dieu  que  nous  les  trouverons  tous.  Ce  pain  entre  autres  vertus  a  ceste  ci,  c'est  qu'il  fait  de  iour  en  iour,  et  de  plus  en  plus  croistre  en  unite  de  foy  iusques  a  la  hauteur  d'homme  parfait,  celuy  qui  en  est  nourri:  ll  a  aussi  un  goust  si  savoureux,  qu'il  n'y  a  miel,  faisant  comparaison  de  la  douceur  de  l'un  a  l'autre,  qui  ne  soit  trouve  fiel.  Certes  les  fruits  de  la  terre,  voire  les  plus  beaux  et  les  meilleurs,  au  pris  de  cestui-ci  qui  restaure  l'ame,  resiouit  le  coeur,  fortifie  le  debile,  et  console  l'afflige,  sont  tous  fades  et  de  nulle  grace  ou  contentement  Finalement,  outre  ce  que  nous  en  sommes  substantez  avec  un  plaisir  si  grand  que  nulle  langue  ne  le  pourroit  exprimer,  nous  en  sommes  davantage  tellement  enrichis,  que  tous  les  thresors  de  ce  monde  pour  ce  regard  ne  nous  pourroyent  estre  que  fiente,  ordure,  et  toute  povrete.  Sachons  donques  qu'en  ceste  nourriture  spirituelle  gist  toute  nostre  felicite.  Ioinct  que  nous  n'y  travaillerons  point  en  vain:  car  Dieu  le  Createur  ne  nous  envoye  point  auiourd'huy [p. 9]  (graces  immortelles  luy  en  soyent  rendues)  famine  de  ceste  manne  et  doctrine  celeste:  mais  la  donne  et  l'espand  en  toute  abondance  par  tout  le  monde  universel  sans  argent  a  tous  ceux  qui  en  ont  faim:  car  a  ceux  qui  en  sont  ennuyez  et  qui  en  sont  si  souls  qu'ils  la  reiectent  et  vomissent  par  leur  ingratitude,  en  lieu  de  nourriture  elle  leur  tourne  en  poison  mortelle:.  Au  contraive  tant  plus  on  en  a  de  desir,  tant  plus  elle  nourrit  et  profite.  Or  nostre  bon  Dieu  et  Pere  cognoissant  que  nous  riavons  pas  besoin  pour  un  iour  seulement:  mais  tout  le  temps  que  nous  serons  ici  rempans  sur  la  terre,  d'estre  substantes  de  ceste  viande  spirituelle,  et  que  nous  sommes  comme  petis  enfans  qu'il  faut  appateler,  a  ordonne  les  Pasteurs  et  Docteurs  en  son  Eglise,  pour  couper  droitement  a  tous  les  fideles  le  pain  de  sa  doctrine:  tout  ainsi  comme  un  pere,  qui  distribue  du  pain  a  ses  enfans,  le  coupe  par  morceaux  a  chacun  selon  qu'il  voit  leur  estre  necessaire.  Quant  a  ceste  Eglise,  elle  a  bien  a  remercier  Dieu  de  ce  qu'il  l'a  fornie  de  si  bons  et  fideles  Pasteurs  et  si [p. 10]  adroits  a  nous  distribuer  la  parole  de  verite.  Car  en  lieu  de  l'entasser  en  toute  confusion  dans  les  esprits  des  auditeurs,  Us  nous  l'exposent  familierement  par  le  menu  et  d'un  ordre  merveilleux:  en  lieu  de  la  roigner,  deschirer  par  pieces,  tordre  a  un  autre  sens,  et  de  s'arrester  a  Vescorce  sans  penetrer  iusques  au  dedans,  ils  nous  la  proposent  en  son  entier,  en  sa  -perfection  et  en  sa  verite  en  toute  reverence  sans  la  deguiser,  et  nourrissent  nos  ames  de  la  moeile  d'icelle.  Au  reste,  d'autant  qu'entre  tous  Dieu  a  mis  plus  de  graces  de  son  sainct  Esprit  en  M.  Iean  Calvin  nostre  bon  Pasteur  et  Docteur,  comme  par  ses  presches,  lecons  et  escrits  ses  adversaires-  mesmes  sont  convaincus  et  contraints  de  confesser,  nous  l'avons  requis,  ce  qu'il  nous  a  accorde  facilement  pour  l'edification  de  V  Eglise,  de  permettre  que  nous  missions  en  lumiere  dixhuict  de  ses  Sermons,  esquels,  en  autres  points  dont  la  cognoissance  est  fort  necessaire  pour  le  temps  present,  il  a  principalement  traitte  la  matiere  de  la  Iustification.  Afin  que  ceux  qui [p. 11]  n'ont  pas  bien  retenu  tout  ce  qu'ils  en  ont  ouy  a  ses  presches,  ou  qui  n'ont  eu  ce  bien  avec  nous