8:634  legis,  quia  dicitur  Iohannes  venisse  per  viam  iustitiae.  Quasi  vero  fide  negemus  iustificari  opera,  ut  iustitiae  honorem  obtineant  coram  Deo  et  apud  homines.  Quanquam  enim  si  ad  rigidum  iudicii  sui  examen  Dominus  vitam  nostram  exigat,  omne  os  obstrui  necesse  erit:  quia  tamen  tanquam  filiis  ignoscit,  hinc  operibus  per  se  iniustis  gratuitam  iustitiam  ex  venia  imputat.  Verum  Servetus,  ut  solent  isti  Cyclopes  etiam  inter  media  fulmina  stertere,  quid  paterna  illa  Dei  indulgentia  sibi  vellet,  nunquam  expendere  dignatus  est.  Itaque  unum  illud  arripit,  iustitiam  aliquam  factorum  in  lege  laudari.  Adde  quod  in  altero  quoque  hallucinatur,  quod  ex  singulis  factis  iustitiam  aestimat.  Zelus  Phinees  fuit  iustitia.  Obstetricum  virtus  in  servandis  infantibus  fuit  iustitia.  Rahab  meretrix  servatis  exploratoribus  iustificata  est.  In  Rechabitis  abstinentia  vini  fuit  iustitia.  Atqui  miser,  quid  Deus  utrinque  pronunciet,  1)  non  attendit.  Vitam  enim  non  uni  vel  alteri  operi  promittit,  sed  totam  legis  obedientiam  complectitur.  Qui  fecerit  haec,  vivet  in  ipsis.  Qui  autem  unum  legis  apicem  fuerit  transgressus,  in  eum  incumbit  certa  maledictio,  secundum  illud:  Maledictus  omnis  qui  non  permanserit  in  omnibus  quae  scripta  sunt  (Deut.  27,  26;  Gal.  3,  10).  Videmus  quam  turpiter  in  ipsis  rudimentis  lapsus  sit  Servetus.  Interea  illam  legis  iustitiam,  qua  etiam  secundum  ipsum  gloriati  sunt  sancti  patres,  ad  nostrum  saeculum  pertinere  negat,  quia  solum  nobis  licet  Christi  facta  narrare,  qui  omnia  opera  pro  nobis  operatus  est  legem  implendo  pro  nobis,  quum  non  possemus  id  praestare.  Carnali  populo,  [pag.  248]  sicuti  Davidi,  Ezechiae,  Nehemiae,  licuit  in  suis  factis  gloriari.  Nobis  autem  non  licet,  nisi  in  cruce  Domini  nostri  Iesu  Christi,  quia  propter  tanta  beneficia  sumus  in  perpetuum  eius  facti  debitores,  et  servi,  secundum  illud:  Servi  inutiles  sumus  (Luc.  17,  10).  Primum  quaero,  nihilne  Deo  sancti  patres  debebant,  vel  unico  iure  creationis,  ut  efferre  suas  iustitias  libere  auderent?  Cuius  phrenetidis  hoc  fuit,  humanum  genus  usque  ad  Christi  adventum  a  Dei  servitute  absolvere?  Iam  videmus  ut  gratiam  redemptionis  per  Christum  partae  ad  nostrum  saeculum  bis  impie  restringat.  Nam  si  ad  veterem  usque  populum  spectaret,2)  fuisset  Deo  ipse  quoque  nobiscum  debitor.3)  Atqui  vel  unus  David  omnium  nomine  totius  veteris  ecclesiae  salutem  a  tam  indignis  Serveti  calumniis  vindicat:  Ne  intres  in  iudicium  cum  servo  tuo  Domine,  quia  non  iustificabitur  in  conspectu  tuo  omnis  vivens  (Psalm.  143,  2).  Quam  multa  eiusdem  l)Add.  c'est  a  dire  en  menacant  et  promettant.  2)  Car  si  les  anciens  Peres  en  eussent  este  participans  etc.  3)  Add.  de  quoy  Servet  les  exempte.