5:634  auiourdhuy  en  l'Eglise,  pour  retrencher  tout  ce  qui  ne  convient  point  a  la  saincte  Escripture,  et  moderer  mesme  ce  qui  y  est  conforme,  afin  que  la  saincte  Escripture  ayt  son  lieu  comme  il  appartient.  Car  les  plus  anciens  Canons  ne  permettent  point  de  rien  lire  ou  chanter  en  l'Eglise  sinon  l'Escripture.  l)  De  la  vient  que  le  Concile  de  Cesaree  en  Trulle  commande  que  le  clerge  et  le  peuple  soit  enseigne  seulement  des  letres  divines,  et  commande  de  brusler  les  faulx  martrologes.  Neantmoins  le  Concile  de  Carthage  permet  de  lire  les  hystoires  des  Martyrs  au  iour  qu'on  en  faict  la  memoire.2)  Pareillement  puis  qu'aux  Sacremens  le  mystere  de  nostre  redemption  doit  estre  sainctement  dispense,  et  la  foy  principalement  edifiee,  il  est  besoing  d'exposer  diligemment  au  peuple  tout  ce  qui  se  dit  et  faict  en  iceulx,  affin  que  la  foy  du  peuple  receoyve  accroissement  par  l'ouye  de  la  parolle  de  Dieu:  et  que  tous  les  assistans  puissent  respondre  en  vraye  foy  Amen,  a  toutes  choses.  Ce  que  ordonne  aussi  l'Empereur  Iustinian.  ')  Car  c'est  un  trop  mauvais  abuz  de  mettre  tellement  en  spectacles  les  mysteres  de  nostre  foy  :  que  le  Ministre  soit  barbare  au  peuple.  Car  selon  le  iugement  de  l'Apostre,  on  peult  a  bon  droit  appeller  cela  folie  enragee  quand  le  Ministre  propose  en  langue  incongneue  a  ses  auditeurs  les  choses  dont  il  les  devroit  enseigner,  et  emflamber  leurs  coeurs,  et  les  recite  tellement,  qu'iceux  n'y  peuvent  rien  mordre.  Et  puis  qu'il  est  tout  notohe,  que  le  peuple  ne  receoit  point  en  telle  reverence  qu'il  devroit  les  sainctz  mysteres  representez  par  les  Sacrementz  et  qu'il  constitue  plus  sa  fiance  en  l'oeuvre  du  ministre  que  au  benefice  de  Iesus  Christ,  (car  la  pluspart  du  monde  pense  s'estre  bien  acquitte  quand  ilz  ont  este  present  aux  Sacrementz,  sans  foy,  ne  sans  repentance  ,  [fol.  148]  ainsi  que  toute  leur  vie  le  demonstre)  pour  ceste  cause  il  fauldra  restituer  l'observation  de  l'Eglise  ancienne:  c'est  que  le  baptesme,  excepte  en  dangier  de  mort,  ne  soit  administre  qu'en  certain  temps  et  en  singuliere  reverence  et  ce  devant  toute  l'Eglise,  affin  que  le  Sacrement  soit  deuement  honnore.  D'avantage  que  tout  le  mystere  soit  explicque  en  telle  sorte,  que  tout  le  peuple  entende,  que  ceulx  qu'on  baptise  sont  baptisez  en  la  mort  de  Iesus  Christ,  pour  estre  ensepveliz  avecque  luy,  et  mesme  estre  vestuz  de  luy:  et  ainsi  qu'en  vraye  foy  il  recongnoisse  la  le  benefice  de  Christ,  et  y  establisse  toute  sa  fiance,  non  pas  en  l'oeuvre  externe.  Il  ne  fauldra  pas  mettre  moins  de  diligence  1)  Au  Concile  de  Laodicee  c  4.  9.  2)  Can.  47.  3)  De  sanctis  episcopis.