49:634  Au  reste  nous  scavons  que  le  serpent  a  este  une  figure  de  nostre  Seigneur  Iesus  Christ,  comme  luy  mesme  le  declare  de  sa  propre  bouche  au  3.  chapitre  de  S.  Iean.  Iesus  Christ  a  vestu  la  similitude  de  nos  pechez.  Il  est  vray  qu'il  a  este  l'agneau  de  Dieu  sans  macule,  il  a  eu  toute  perfection  en  soy  :  mais  cependant  si  est-ce  qu'il  a  soustenu  nos  infirmitez,  et  en  apparence  il  a  este  comme  un  serpent  :  c'est  a  dire  il  estoit  repute  d'estre  des  enfans  d'Adam,  lesquels  sont  pervertis,  et  ont  une  nature  venimeuse:  et  mesme  en  sa  mort,  il  a  este  fait  malediction:  car  il  a  este  rendu  comme  execrable  quand  il  a  pendu  au  bois:  veu  que  quiconques  pendoit  au  bois  estoit  maudit,  et  prononce  tel  par  la  bouche  de  Dieu.  Voyla  donc  nostre  Seigneur  Iesus  Christ  qu'est  aneanti  en  toutes  sortes  pour  nous:  or  cependant  nous  sommes  maintenant  guairis  regardans  a  luy.  S'il  a  falu  que  les  peres  sous  la  Loy  ayent  regarde  le  serpent  d'airain  pour  obtenir  grace,  afin  que  Dieu  ne  poursuyvist  point  sa  vengence,  auiourd'huy  adressons  nous  a  nostre  Seigneur  Iesus  Christ,  et  en  nous  desplaisant  de  nos  fautes,  les  condamnant  et  mettans  peine  tant  qu'il  nous  sera  possible  a  nous  en  retirer  et  purger,  demandons  a  Dieu  qu'il  besongne  par  la  vertu  de  son  sainct  Esprit,  tellement  qu'il  ne  permette  point  que  nous  soyons  tousiours  croupissans  en  nos  imperfections:  et  qu'il  nous  face  aussi  regarder  par  foy  a  ceux  qui  ont  este  maudits  a��  cause  de  leur  obstination,  et  que  leur  exemple  nous  profite,  afin  que  par  ce  moyen  nous  soyons  reconciliez  de  bonne  heure  avec  luy.  Or  nous  nous  prosternerons  devant  la  maieste  de  nostre  bon  Dieu  etc.  CINQUIEME  SERMON.  1.  COR.  Chap.  X.  v.  10.  l  l  .  Apres  que  S.  Paul  a  traitte  tant  de  l'idolatrie  que  des  paillardises,  et  aussi  de  ceste  esmeute  que  le  peuple  feit  contre  Dieu,  d'autant  qu'ils  ne  se  contentoyent  point  de  la  Manne,  et  qu'ils  se  troubierent  aussi,  a  cause  qu'ils  n'avoyent  point  l'eau  a  commandement:  II  adiouste  que  nous  avons  un  exemple  notable  en  tout  ceci,  comme  Dieu  ne  souffrira  point  que  les  murmures  demeurent  impunis.  Or  il  touche  T  histoire  qui  est  escrite  au  seizieme  chapitre  des  Nombres:  quand  ceste  rebellion  de  Core,  Dathan  et  Abirom  fut  advenue,  et  que  Dieu  les  eut  punis,  qu'alors  le  peuple  se  despita  contre  Aaron  et  Moyse,  Calvini  opera.  Vol.  XLIX.  comme  s'ils  eussent  este  cause  de  tout  le  mal:  ce  murmure  fut  chastie  d'une  telle  rigueur  que  nous  devons  bien  apprendre  d'estre  paisibles:  et  quand  Dieu  envoyera  quelque  correction,  de  la  recevoir  patiemment.  Voyla  donc  l'intention  de  sainct  Paul.  Et  nous  faut  bien  noter  ce  passage,  pour  ce  que  c'est  un  vice  par  trop  commun.  On  verra  tous  les  iours  qu'un  chacun  veut  estre  iuge:  et  ne  s'en  faut  point  esbahir,  veu  l'orgueil  et  presomption  qui  est  enracinee  en  la  nature  des  hommes.  D'autant  que  les  hommes  (di-ie)  cuident  estre  sages  outre  mesure,  il  faudra  que  tout  leur  soit  assubieti,  et  vienent  devant  leur  bureau  comme  on  dit:  et  ne  font  point  scrupule  de  contreroler  tout  ce  qui  aura  este  43