9:633  633  BREVIS  ADMONITIO  IOANNIS  CALvlNI  AD  FRATRES  POLONOS.  Tabulam  nuper  in  Polonia  editam,  quae  Christum  et  spiritum  sanctum  alios  a  patre  deos  facit,  non  sine  acerbissimo  moerore  inspexi.  Pridem  me  haec  cura  non  abs  re  anxium  tenuit,  ne  fratres  minus  in  scriptura  exercitatos  abriperet  Stancari  importunitas,  ut  vitandae  unius  absurditatis  causa,  in  aliam  foediorem  laberentur.  Accidit  ergo  quod  timui,  ac  tristi  exemplo  patefactum  est  quam  noxia  sit  pestis  contentio,  ubi  magis  propositum  est,  adversarium  vincere,  quam  bonam  causam  simpliciter  tueri.  Crassum  Stancari  delirium  merito  a  fratribus  polonicis  repudiatum  est.  Sed  dum  sibi  ab  una  diaboli  astutia  cavent,  obrepsit  alter  impostor  Blandrata  Stancaro  deterior:  et  hac  occasione  abusus  est  ad  errorem  non  minus  detestabilem  spargendum.  Ita  scilicet  ab  initio  versipellis  fuit  Satan,  *)  et  nunc  quodque  varie  se  transformat,  et  [pag.  4]  quasi  confligat  ipse  secum,  astute  se  insinuat,  ut  miseros  illaqueet  diversis  erroribus.  Stancari  delirium  iam  a  nobis  solide  ac  dilucide  refutatum  fuit.  Nunc  fratres  nostros,  qui  paucorum  hominum  astu  decepti  fuerunt,  rogabo  et  hortabor,  saltem  ut  composita  mente  ad  meam  admonitionem  attendere  non  graventur.  Quod  si  ad  resipiscendum  dociles  fuerint,  mihi,  ut  spero,  non  erit  difficile  efficere,  ut  ab  impio  commento,  quod  nimis  leviter  et  inconsiderate  amplexi  sunt,  abhorreant.  Falsum  principium  est  quod  in  tabula  ponitur,  scripturam  semper  distincte  loqui  de  patre,  filio  et  spiritu:  quum  ex  locis  compluribus  liqueat,  nunc  comparative,  nunc  absque  distinctione  fieri  Dei  mentionem.  Si  obtineo  duplicem  esse  loquendi  modum,  mox  evanescet  tota  illa  inanis  speculatio,  unum  esse  et  verum  Deum  patrem  Domini  nostri.  Fateor  certe,  ubi  simul  patris  et  filii  fit  mentio,  distingui  filium  a  patre:  verum  ne  sibi  placeat  tabulae  artifex,  2)  distinctionem,  ut  inscite  iactat,  [pag.  5]  peril)  Satan  a  ioue  finement  son  roulet.  2)  ce  renard  qui  a  fait  la  table.