7:633  633  DEFORMANDAE  RATIO.  634  proprie  loquar,  longe  ab  initio  quod  iactant  distat  eorum  sacerdotium.  Verum  ut  ad  fontem  perveniant:  quoties  tamen  multis  in  locis  interrupta  fuit  successio?  Quam  multis  ecclesiis  haereticos  praefuisse,  eorum  historiae  narrant?  Tota  fere  Germania  bis,  ante  nostram  aetatem,  a  sede  romana  discessionem  fecit:  semel  quum  divortium  facere  cum  uxoribus  cogerentur  presbyteri:  iterum  quum  Gregorius  septimus,  Henrico  quarto  Imperatori  infestus,  Germanos  fulminando  vellet  ab  ipso  divellere.  Omittam  recentiora  exempla  quae  per  se  expendent  sani  lectores.  Quis  enim  rerum  mediocriter  peritus  ignorat,  ut  tres  antipapae  suis  factionibus  ecclesiam  distraxerint?  l)  Ex  duobus  [pag.  140]  saltem  neuter  fuit  qui  non  plures  ordinaverit  episcopos:  a  quibus  rursum  creati  presbyteri.  Ubi  continua  successio?  Verum  his  omissis,  Ioannam  papissam  transsiliant  oportet,  si  continuare  suam  ab  apostolis  seriem  volent.  Si  excutiantur  vetusti  annales,  multas  reperiemus  primarias  sedes  ab  haereticis  fuisse  occupatas.  Tot  interruptiones  dissimulando  nihil  proiiciunt.  Ut  ad  propinquiora  tempora  redeam:  donec  Basiliense  concilium  probaverint  non  legitimum  fuisse,  semper  obtinebo,  neminem  esse  in  toto  clero  papali  non  schismaticum.  2)  Omnes  enim  ab  Eugenio  ducunt  originem  :  quem  synodus  non  modo  abdicaverat  papatu,  sed  cum  sua  universa  secta  haereseos  damnaverat  ac  schismatis.  Scio  quid  respondere  soleant.  Quod  enim  illis  unicum  restat  asylum:  fortiter  synodi  illius  autoritatem  repudiant.  Sed  quum  habuerit  quascunque  ipsi  legitimae  synodi  praescribunt  notas,  quanti  valere  debeat  ista  reiectio,  pii  lectores  aestiment.  Atque  ut  nihil  horum  esset,  nego  sub  toto  papatu  unum  esse  vere  episcopum:  nisi  forte  titulo  et  insignibus  in  tantae  rei  probatione  contenti  simus.  Non  dico  nunc,  cuiusmodi  sint  insignia,  quibus  sibi  reverentiam  conciliant:  norunt  tamen  pii  omnes,  profanas  esse  larvas,  quarum  aspectu  obstupescerent  apostoli,  si  viverent.  Fingamus  tamen,  si  veritas  subesset,  alioqui  convenire,  an  tamen  ex  inani  spectaculo3)  episcopos  iudicabimus?  Nihil  enim  praeterea  episcopale  habent,  nisi  quod  pauci  suggestum  interdum  conscendunt:  ut,  una  atque  altera  habita  concione,  velut  defuncti  toto  anno  aliud  agant.  Alios  arcet  inscitia:  bona  pars  nescio  quid  sua  dignitate  inferius  esse  [pag.  141]  putant,  verba  ad  populum  facere.  Quanquam  vix  centesimus  quisque  reperie-  1)  detraxerint  Beza  et  Amst.  2)  Add.  selon  leurs  Canons:  quiconque  est  ordonne  par  un  schismatique  ou  heretique  a  son  escient  est  coulpable  d'un  mesme  crime.  3)  posons  le  cas  que  ce  seroyt  enseigne  bien  convenable,  devons  nous  pourtant  estimer  les  Evesques  par  la  seule  monstre  d'une  mitre  ou  d'une  crosse?