5:633  ACTES  DE  RATISBONNE.  tesmoings  et  contrerolleurs.  Et  cest  exemple  ne  seroit  pas  nouveau.  Car  S.  Ambroise  tesmoigne  que  l'Eglise  du  commancement  a  eu  des  Anciens,  sans  le  conseil  desquelz  il  ne  se  faisoit  rien,  et  que  ceste  coustume  s'est  esvanouye  par  la  nonchalance,  ou  plustost  par  l'arrogance  de  gens  scavans,  entant  que  ilz  ont  voulu  avoir  seuiz  toute  authorite.  D'avantage  puis  que  les  Canons  veulent  que  les  seculiers  ou  laiz,  soyent  admis  a  l'election  et  examen  des  prestres,  et  ne  les  exclud  point  de  la  discipline:  en  [fol.  146]  cela  ilz  donnent  a  entendre,  que  c'est  chose  convenable  a  leur  office,  d'avoir  congnoissance  des  choses  moindres.  Et  affin  que  les  Evesques  et  prestres  ne  soyent  occupez  en  affaire  seculier,  il  fault  aussi  remettre  ce  canon  en  usage,  c'est  que  chascun  Evesque  et  chascune  Eglise  ayt  son  receveur  et  deffenseur  et  visseigneur,  qui  ayt  la  charge  des  possessions,  champs  et  aultres  revenuz,  a  ce  que  les  Evesques  et  prestres  ne  soyent  aucunement  distraictz  de  la  predica-,  tion  et  des  admonitions.  Il  fault  aussi  par  un  mesme  moyen,  pourveoir  que  les  aultres  estatz  ecclesiastiques  s'aquitent  de  leurs  offices,  et  que  nul  qui  negligera  son  office  ne  receoive  pension  dc  l'Eglise,  mais  qu'on  en  mette  d'aultres  en  leur  lieu.  Et  pource  que  les  Canons  requierent  que  les  pensions  soient  moderees  selon  le  merite  d'un  chascun  office,  il  fault  aussi  bien  oster  l'abuz  qui  est  maintenant  :  c'est  qu'on  donne  aux  petis  enfans  ou  a  gens  ineptes  telle  pension,  et  aucunesfoys  plus  grande  qu'a  ceulx  qui  servent  continuellement  et  beaucoup  plus  utilement  a  l'Eglise.  Oultreplus,  affin  qu'on  puisse  tousiours  avoir  ministres  propres,  il  ne  fault  pas  seulement  qu'il  y  ayt  escoles  par  les  Eglises  :  mais  fault  aussi  nourrir  escoliers:  pour  les  apprester  au  ministere,  comme  le  concile  de  Vase  le  commande.  Telz  estoyent  anciennement  ceulx  qu'on  nommoit  lecteurs,  chantres  et  acoluthes.  Car  l'ordre  estoit  de  monter  par  ces  degrez  pour  parvenir  en  office  de  prestre  ou  d'Evesque.  Or  pource  que  le  principal  et  le  plus  necessaire  ministere  de  l'Eglise  est  de  la  doctrine,  puis  aussi  que  tout  ce  qu'on  lit,  qu'on  chante,  qu'on  prie,  ou  qu'on  expose  au  peuple  doit  servir  a  edification,  tellement  que  rien  ne  soit  faict  ne  mis  en  avant,  sinon  ce  qui  peult  edifier  toute  l'assemblee,  comme  sainct  Paul  clerement  l'enseigne  (1  Cor.  14,  26):  il  fault  aussi  reduire  les  canons  qui  commandent  de  ne  rien  lire,  chanter  ou  prier  en  l'Eglise  qui  ne  soit  prins  des  sainctes  lettres,  ou  conforme  a  icelles.  D'avantage,  que  mesme  les  choses  divines  soyent  ordonnees  en  telle  facon  et  reverence,  qu'il  y  ayt  bonne  [fol  147]  gravite  et  vraye  edification  de  foy.  Ainsi  comme  requiert  le  Livre  mis  en  avant  par  l'Empereur,  il  fault  diligemment  reveoir  et  corriger  toutes  les  lecons,  prieres  et  chantreries  receues