49:633  633  SUR  L'EPITRE  AUX  CORINTHIENS.  634  que  peine  perdue,  mais  il  nous  faut  ranger  droit  a  luy,  en  le  priant  qu'il  luy  plaise  d'avoir  pitie  de  nous:  et  il  donnera  la  guairison  aux  playes  qu'il  aura  faites,  comme  il  en  est  advenu  alors.  Ce  n'a  pas  este  au  peuple  d'inventer  des  onguents,  de  faire  ceci  ou  cela,  de  se  guarir  par  saignees  ou  autre  facon  :  mais  Dieu  a  dit  qu'il  les  guariroit.  En  quelle  sorte?  N'avoit-il  pas  toutes  les  herbes  du  monde  pour  enseigner  remede  au  peuple.  Usez  de  ceci  ou  de  cela?  ne  leur  pouvoit-il  point  donner  vertu?  Ouy,  bien  mais  il  a  voulu  que  ce  fust  un  serpent  mort,  ou  la  similitude  et  remembrance.  Il  faut  diie,  que  cela  soit  la  guairison  du  peuple.  Quand  donc  il  besongne  ainsi,  c'est  pour  mieux  declarer  qu'on  ne  se  doit  adresser  qu'a  luy  seul,  et  que  nous  ne  faisons  qu'errer,  cependant  que  nous  cherchons  remede  en  nous:  que  cependant  sa  main  nous  est  contraire  et  que  luy  se  declare  nostre  ennemi  a  cause  de  nos  pechez.  Et  au  reste  nous  avons  un  enseignement  fort  utile  que  nous  toucherons  en  un  mot  :  c'est  a  scavoir  que  nous  devons  attribuer  cest  honneur  a  Dieu,  de  recevoir  la  promesse  qu'il  nous  donne:  combien  que  nous  l'ayons  offense,  et  combien  qu'il  nous  semble  que  tout  soit  perdu,  toutesfois  si  Dieu  declare  qu'il  vueille  avoir  pitie  de  nous,  recevons  cela,  et  venons  hardiment  a,  luy,  et  ne  regardons  point  aux  moyens,  s'ils  sont  aisez  et  convenables  a  ce  que  nous  aurons  a  faire.  Que  donc  nous  ayons  les  yeux  fermez  a  tout  cela:  mais  confions  nous,  et  puis  que  Dieu  dit  qu'il  sera  nostre  Pere,  et  qu'il  scaura  bien  disposer  de  toutes  choses,  que  nous  scachions  que  rien  ne  nous  defaudra:  voyla  donc  ce  que  nous  avons  a  retenir.