48:633  633  DE  LA  PENTECOSTE.  634  besoin  de  nous  remettre  a  nostre  Chef,  nostre  Seigneur  Iesus  Christ.  Car  qui  est  cause  d'un  tel  mespris  et  impiete  qu'on  voit  par  tout  le  monde,  et  de  tant  de  rebellions  et  mocqueries,  sinon  que  la  grace  n'est  point  faite  a  tous  d'estre  amenez  sous  ce  Pasteur  souverain  qui  nous  a  este  ordonne  de  Dieu  son  Pere?  Et  nous  scavons  que  ceux  qui  sont  en  sa  garde  ne  periront  point,  comme  il  l'a  prononce.  Ainsi  donc  rangeons  nous  a  nostre  Seigneur  Iesus  Christ,  si  nous  voulons  sentir  a  nostre  salut  le  profit  et  l'accomplissement  de  ce  qui  est  yci  recite  par  S.  Luc,  c'est  ascavoir  que  non  seulement  Dieu  parle  a  nos  aureilles,  et  que  sa  voix  retentisse  en  l'air,  mais  que  sa  doctrine  perce  nos  coeurs,  que  nous  soyons  enflammez,  que  nous  soyons  recuits  et  renouvelez,  en  sorte  que  les  corruptions  de  ce  monde  soyent  mises  bas,  et  que,  comme  nous  voulons  estre  tenus  et  avouez  pour  son  peuple,  nous  le  puissions  reclamer  a  la  verite  nostre  Dieu  au  nom  de  nostre  Seigneur  Iesus  Christ,  auquel  nous  sommes  conioints  a  ceste  fin  qu'il  nous  unisse  en  perfection  a  Dieu  son  Pere.  Et  voyla  aussi  pourquoy  ceste  saincte  Table  nous  est  apprestee  maintenant.  Car,  comme  i'ay  desia  dit,  nous  ne  pouvons  communiquer  a  nulle  grace  du  S.  Esprit  qu'estans  membres  de  nostre  Seigneur  Iesus  Christ.  Or  comment  pourrons  nous  parvenir  la  sinon  qu'il  se  presente  a  nous  et  qu'il  nous  convie  a  telle  condition  que  vrayement  nous  soyons  conioints  a  luy,  qu'il  habite  en  nous,  tellement  que  tout  ce  qu'il  ha  nous  appartiene,  et  que  nous  iouissions  des  biens  qui  luy  ont  este  donnez  en  nostre  nom.  Il  est  dit  dans  l'onzieme  chapitre  d'Isaie  que  l'Esprit  de  Dieu  a  repose  sur  luy,  mais  ce  n'est  pas  pour  la  necessite  qu'il  en  eust,  ne  pour  son  usage  prive,  c'a  este  pour  le  profit  de  tout  son  corps,  c'est  a  dire  de  toute  l'Eglise.  Ainsi  donc  cognoissons,  quand  maintenant  la  Cene  nous  est  offerte,  que  nostre  Seigneur  Iesus  veut  que  nous  cherchions  en  luy  tout  nostre  bien.  Et  pource  que  nous  sommes  eslongnez  de  luy,  il  approche  de  nous  par  sa  bonte.  il  est  vray  qu'il  ne  quitte  point  sa  gloire  celeste,  il  ne  faut  point  qu'il  descende  yci  bas  (comme  les  Papistes  imaginent)  pour  nous  communiquer  son  corps  et  aon  sang,  mais  combien  que  nous  soyons  esiongnez  de  luy,  si  est-ce  toutesfois  qu'il  ne  laisse  pas  de  nous  repaistre  de  son  corps  et  de  son  sang:  et  nous  ne  laisserons  pas  aussi  d'estre  unis  a  luy  en  toute  perfection,  voire  entant  que  besoin  sera.  Et  voyla  pourquoy  i'appelle  cela  Perfection:  combien  que  cependant  il  nous  avance  de  mesure  en  mesure.  Car  quoy  qu'il  en  soit,  nous  ne  laisserons  pas  d'estre  conioints  a  luy.  Mesmes  que  nous  cognoissions  qu'il  ne  nous  a  pas  voulu  frustrer  quand  il  nous  a  declare  qu'il  est  nostre  Chef  et  que  nous  sommes  ses  membres,  et