49:632  fit  dresser  le  serpent  d'airain  par  Moyse.  Il  est  vray  que  voyla  les  serpens  qui  se  dressent  a  lencontre  du  peuple:  la  morsure  est  si  venimeuse  qu'il  n'y  a  point  de  remede:  il  ne  faut  plus  aller  chercher  ne  medecin  ne  chirurgien  :  car  Dieu  a  fait  une  playe  qui  ne  se  peut  guairir,  quand  il  y  a  morsure  de  ces  feerpens  la:  et  la  punition  est  propre  et  convenable  au  crime  du  peuple:  car  ils  avoyent  iette  et  desgorge  leur  venin  contre  Dieu,  ceste  amertume  qu'ils  avoyent  conceue  de  languir  si  longtemps,  ce  n'estoit  sinon  qu'un  venin,  duquel  ils  pensoyent  picquer  et  navrer  Dieu.  Or  quant  et  quant  il  leur  donne  le  chastiment  tel  qu'ils  l'ont  merite.  Vous  me  venez  ici  picquer  par  vos  blasphemes,  et  vous  pensez  m'esmouvoir  beaucoup,  quand  il  y  aura  de  l'impatience  en  vous,  et  que  vous  aurez  iette  vos  bouillons:  or  ;e  vous  envoyeray  d'autres  morsures:  ie  n'employeray  plus  ici  ma  vertu  contre  telles  vermines  que  vous  :  mais  vous  aurez  les  serpens  qui  vous  consumeront  de  leur  venin.  Voyla  une  chose  espouvantable.  Cependant  Dieu  fait  dresser  le  serpent  d'airain,  et  monstre  que  iamais  il  n'exerce  telle  rigueur  sur  les  pechez  du  monde,  qu'il  ne  donne  tousiours  lieu  a  sa  misericorde,  et  que  surtout  quand  il  est  question  de  chastier  les  siens,  et  ceux  qu'il  a  appelez  a  soy,  il  y  aura  tousiours  quelque  semence  gardee,  ainsi  qu'il  en  est  advenu  alors.  Car  quand  le  peuple  crie  et  gemit  a  Dieu,  il  ordonne  que  le  serpent  d'airain  soit  dresse.  Il  sembloit  bien  que  la  chose  fust  ridicule.  S'il  n'y  avoit  medecin  qui  peut  guairir  la  morsure  des  serpens,  et  de  quoy  a  servi  une  chose  en  peinture.  Voyla  un  serpent  dresse  sur  une  haute  perche  :  on  le  regarde,  et  en  le  regardant  sera-on  guairi?  Il  pouvoit  donc  sembler  que  Dieu  se  iouast  comme  a  des  petis  enfans  :  mais  nous  avons  desia  declare  qu'il  a  voulu  donner  ce  tesmoignage  qu'il  n'oubliera  iamais  sa  bonte  infinie,  encores  qu'il  use  de  grande  rudesse  pour  punir  les  hommes  en  leurs  pechez.  Voyla  pour  un  item.  Le  second  est  qu'il  nous  faut  venir  a  luy  quand  nous  sommes  chastiez  de  sa  main  que  c'est  de  la  qu'il  nous  faut  chercher  le  remede  :  nous  nous  abusons,  si  nous  pensons  eschapper  la  main  de  Dieu  par  nos  circuits  et  longs  discours.  C'est  a  luy  de  pourvoir  a  tous  les  maux  et  a  toutes  les  afflictions  qu'il  nous  envoye.  Il  y  en  a  beaucoup  que  quand  ils  seront  affligez  de  la  main  de  Dieu,  ils  crieront,  Helas  et  diront  qu'il  y  faut  pourvoir.  Et  comment?  Ho,  il  ne  sera  question  d'appointer  avec  Dieu  :  ce  sera  tousiours  de  mal  en  pis,  et  semble  que  ils  conspirent  de  tousiours  amasser  le  bois,  afin  que  le  feu  croisse:  et  de  quoy  leur  serviront  toutes  leurs  provisions,  cependant  que  Dieu  sera  enflamme,  pensons  nons  rien  gaigner?  Et  ainsi  notons,  quand  nous  aurons  offense  nostre  Dieu,  qu'il  ne  nous  faut  point  tracasser  ne  ca  ne  la  en  nos  circuits:  car  ce  ne  sera