35:632  qu'il  faudra  passer  condamnation,  quand  on  dit  qu'entre  les  hommes  il  n'y  en  n'a  pas  un  seul  iuste:  comme  en  l'autre  passage  du  Pseaume  il  est  dit  que  Dieu  a  regarde,  et  qu'il  n'a  point  trouve  un  seul  homme  qui  ne  fust  pourri  en  ses  vices.  Il  est  la  parle  aussi  bien  des  vertueux,  et  de  ceux  qui  ont  esto  en  grande  et  singuliere  reputation,  que  des  plus  desbauchez.  Il  est  dit  qu'ils  ont  tous  decline  et  que  iusques  a  un  il  ne  s'en  est  point  trouve  qui  ne  fust  du  tout  corrompu  devant  Dieu:  et  l'Escriture  saincte  est  plene  de  ceste  doctrine:  et  sainct  Paul  le  monstre  assez  au  troisieme  chapitre  des  Romains,  quand  il  amene  tous  les  passages  et  des  Pseaumes  et  des  Prophetes,  la  ou  il  est  parle  que  les  hommes  sont  depravez,  et  qu'il  n'y  a  en  eux  que  malice  et  trahison,  qu'ils  sont  pleins  de  cruaute,  qu'il  n'y  a  que  venin  et  toute  violence,  que  fraudes  et  rapines,  et  que  leur  gosier  est  un  sepulchre.  Quand  donc  toutes  ces  choses  la  sont  dites,  sainct  Paul  adiouste  que  tous  hommes  y  sont  comprins  sans  exception  aucune,  iusques  a  ce  que  Dieu  les  ait  changez  et  renouvelez  par  son  sainct  Esprit.  Or  maintenant  que  ceste  doctrine  se  presche,  il  faut  bien  que  nous  baissions  tous  la  teste:  car  nous  aurons  honte  et  horreur  de  replicquer  a  l'encontre  de  Dieu.  Et  de  faict,  que  gaigneronsnous  en  toutes  nos  disputes?  Car  il  faudra  niaugre  nos  dents  que  nous  sentions  que  ce  n'est  point  en  vain  que  nous  sommes  condamnez,  puis  que  Dieu  est  nostre  iuge.  Mais  cependant  chacun  s'en  retournera  en  sa  maison  sans  en  estre  esmeu:  et  ce  qui  a  este  dit  ne  nous  touchera  gueres:  Nous  dirons  bien  que  nous  sommes  tous  pecheurs,  et  qu'il  n'y  a  nul  qui  ne  soit  coulpable  devant  Dieu:  mais  cependant  sentons-nous  nos  vices  afin  de  nous  y  desplaire,  et  puis  afin  d'estre  incitez  a  chercher  la  grace  de  nostre  Seigneur  Iesus  Christ,  renoncans  a  nous-mesmes?  Nenni:  ce  nous  est  assez  d'avoir  dit  par  acquis  que  nous  sommes  tous  pecheurs:  Qui  pis  est,  nous  verrons  souventesfois  que  les  hommes  prendront  couverture  et  hardiesse,  quand  on  les  accuse  de  leurs  fautes,  et  qu'ils  se  verront  convaincus:  Ho,  il  est  vray,  diront-ils,  tous  sont  pecheurs.  Un  meschant  qui  aura  blaspheme  le  nom  de  Dieu,  ou  qui  aura  fait  quelque  acte  execrable  et  enorme,  si  on  luy  remonstre,  il  le  niera  du  premier  coup:  iamais  il  ne  voudra  entrer  en  confession  que  par  contrainte.  Et  bien,  se  voit-il  estre  convaincu?  Et  il  est  vray,  dira-ii,  que  nous  sommes  tous  pecheurs:  Et  c'est  a  dire  que  tu  es  un  meschant  hypocrite,  qui  te  mocques  de  Dieu.  Ainsi  nous  voyons  que  sous  ceste  generalite  il  y  en  a  beaucoup  qui  chercheront  quelque  excuse,  afin  que  leur  turpitude  ne  soit  point  cognue  comme  elle  doit.  Pour  ceste  cause,  le  Prophete  apres  avoir  dit,  Tous  ont  erre,  adiouste,  chacun,  chacun: