7:631  631  VERA  ECCLESIAE  632  nationis  non  fuisse  perpetuum,  omnes  norunt.  Est  enim  ex  eorum  genere,  quibus  novam  evangelii  praedicationem  illustrari  Deus  voluit,  donec  fidem  in  mundo  acquireret.  Itaque  paulo  post  fuisse  ablatum,  ex  veteribus  historiis  colligere  licet.  Testimoniis  uti  supervacuum  foret  in  re  notissima,  adeoque  confessa.  Quid  ergo  sibi  volunt  mediatores?  Donum  quod  olei  symbolo  notabant  apostoli,  si  ultra  eorum  aetatem  durasse  obtendant,  turpissimae  impudentiae  convincentur.  Vulgare  autem  proverbium  est,  accessorium  sequi  naturam  principalis.  Constituo  igitur,  ex  quo  res  ablata  est,  non  frustra  modo  retineri  signum,  sed  nimis  petulanter  ludi  in  re  seria:  ut  veri  sint  apostolorum  imitatores,  dono  sanationis  praeditos  esse  oportet.  Nunc  quum  illo  carentes  signum  nihilominus  usurpent,  nihil  sunt  quam  simiae.  At  Iacobus  frater  Domini  non  testimonio  solum  hanc  unctionem,  fpag.  137J  sed  promulgatione  quoque  sua  celebrat  (Iac.  5,  14).  Nam  hic  rhetorica  vehementia  perquam  tumultuose  insurgunt.  l)  Ego  vero  Iacobi  verbis  suffragium  meum  libenter  addo.  Sed  hoc  illi  consilium  nego  fuisse,  ut  quod  efficax  esse  noverat  repraesentandae  Dei  gratiae  symbolum,  ad  frigidam  aemulationem  prostitueret.  Certum  est  autem,  unctores  huius  temporis  nihilo  magis  eius  gratiae,  de  qua  loquitur  Iacobus,  esse  ministros,  quam  rex  olim  fuerit  histrio,  qui  personam  Agamemnonis  agebat  in  scena.  Contemni  gratiam  causantur,  quam  hic  Christus  porrigit.  Sed  quaenam  est  illa?  Quos  ungebant  apostoli,  teste  Marco  (6,  13),  simul  sanabant.  Nunc  vero  nulli  nisi  morituri  unguntur:  ut  parum  absit,  quin  profanata  unctio  censeatur,  si  quis  ex  morbo  convalescat.  Atque  hanc  cautionem  repetunt  moderatores:  ne  oleum  afferatur,  nisi  quum  instat  mortis  periculum.  Verum,  mihi  respondeant:  quum  hoc  aegrotantibus  levamen  indifferenter  Iacobus  assignet:  qua  fiducia  ipsum  restringunt  ad  periculosos  lethalesque  morbos?  Si  tanti  illis  est  Iacobi  autoritas,  cur  non  dubitant  ab  ea  discedere?  Ut  tamen  illis  impunita  sit  haec  licentia,  qua  fronte  Iacobum  obiiciunt,  cuius  maxime  verbib  labefactatur  quod  stabilire  volunt?  Levatum  enim  iri  aegrotum  testatur  ille.  Nunc  quotusquisque  oleo  sanitatem  recuperat?  Vix  centesimus  quisque  ab  unctione  vivit.  Imo  ne  hoc  quidem  agunt,  ut  medeantur  aegritudini,  sed  tantum  ut  pinguiores  ad  sepulcrum  mittant.  Et  nos  adhuc  crudelitatis  accusant,  quia  solatium  tam  eximium  laborantibus  negemus?  Quasi  vero  unus  sit  aliquando  visus,  qui  opis  quidquam  inde  sensisset,  [pag.  138]  Omitto  quot  praeterea  ineptiis  referta  sit  histrionica  haec  unctio:  imo  quot  impiis  superstitionibus  1)  ilz  usent  de  ceste  fanfare  de  Rhetorique  pour  faire  peur  aux  petis  enfans.