6:631  DE  VITANDIS  SUPERSTITIONIBUS.  testimonio  laborantes  nonnihil  iuvare  aut  sublevare  possunt.  Locum  enim  si  relinquant,  eos  simul  destitutos  relinquunt.  Respondeo  :  nullum  talibus  posse  dari  melius  consilium,  quam  ut  vitam  suam  periculo  obiiciant,  pro  asserenda  Christi  gloria:  sin  vero  tantum  non  habent  animi,  nullum  secundae  tabulae  officium  ab  idololatria  et  aliis  inquinamentis  superstitionum  eos  excusat.  [pag.  116]  In  ipso  quaestionis  statu,  et  summa,  non  puto  hoc  meum  responsum  ab  aliorum  sententia  discrepare.  Siquidem  D.  Philippus,  cui  alii  duo  assentiuntur,  utcunque  sigillatim  non  respondeat  istis  obiectionibus,  dum  tamen  praetextus  omnes  uno  verbo  excludit,  satis  testatur,  nihil  sibi  tanti  esse,  ut  homini  christiano  idololatriae  professionem,  etiam  obscuram,  permittat.  EPISTOLA  CALVINI  AD  QUENDAM  AMICUM.  [pag.  1171  Quum  haberem  ad  te  literas,  quas  non  longo  post  tempore  missurus  eram:  alterae  tuae  superveniunt,  quibus  iterum  mihi  pro  laboribus,  rogatu  tuo  susceptis,  agis  gratias,  ac  simul  petis,  ut  duas  ibi  quaestiones  expediam,  ne  quid  in  meo  responso  desideretur.  Quod  te  referendae  gratiae  vix  parem  esse  praedicas,  ego'vero  mihi  abunde  relatam  esse  arbitror,  quum  meum  qualecunque  studium  vobis  ita  probari  audio.  Sed  venio  ad  tua  rogata.  Quaeris  priore  loco,  num  homini  christiano,  qui  se  ab  omnibus  superstitionum  inquinamentis  abstinet,  liceat  patriam  relinquere,  propterea  quod  illic  sacrorum  conventuum  bono  magna  ex  parte  privetur.  Non  quaeris  an  illi  sifc  necesse,  sed  an  liceat.  Illa  deliberatio  longe  difficilior  esset:  haec  magis  expedita,  modo  unum  tollatur,  ne  is  certae  vocationi  sit  alligatus,  quam  deserere  fas  non  sit.  Proinde,  quo  res  sit  liquidior:  primo  constituamus  vitae  genus,  a  quo  discedere  sit  liberum.  Qui  in  tali  ordine  erit  constitutus,  is  duas  habet  iustas  causas  cur  discedat,  si  voluerit:  ut  periculum  antevertat,  ut  in  eum  locum  se  recipiat,  ubi  libera  [pag.  118]  sacramentorum  communicatione  fruatur,  et  in  publico  piorum  coetu  Deum  invocare  possit.  Sunt  enim  res  magno  aestimandae,  solennis  fidei  professio,  sacrorum  conventuum  usus,  purum  verbi  et  sacramentorum  ministerium.  Nec  exspectare  nos  iubet  Deus,  dum  praesens  capiti  nostro  periculum  immineat,  nisi  aliquod  peculiare  vinculum  nos  retineat,  et  quasi  praecludat  exitum.  Summa  sit:  licitum  esse  homini  christiano,  qui  modo  alioqui  liber  sit  in  mutanda  vocatione,  praevenire  impiorum  rabiem  et  tranquilliorem  portum  quaerere,  ubi  Domino  serviat.  Relicta  autem  patria,  concedere  in  eum  locum,  ubi  fidem  suam  pure  et  absque  fuco  profiteatur,  non  modo  licitum  esse,  sed  etiam  laudabile.  Nam  si  haec  suspiria  ex  spiritus  directione  esse  agnoscimus:  Quam  dilecta  tabernacula  tua  Domine  virtutum!  (Psal.  84,  2.)  Item:  Quomodo  cantabimus  canticum  Domini  in  terra  aliena?  (Psal.  137,  4.)  Item:  Quando  veniam  et  intrabo  in  sanctuarium  Dei  Iacob?  (Psal.  43,4.)  Qui  spiritu  Dei  regitur,  is  procul  dubio,  si  qua  sit  evadendi  facultas,  inde  quam  primum  evolare