5:631  ACTES  DE  RATISBONAE.  permettre  ne  porter,  qu'on  face  des  ordinations  a  ie  ne  scay  quelz  tiltres  vains  et  volages,  sans  certain  office.  Il  fauldra  aussi  oster  cest  abuz  d'ordonner  absolument,  selon  qu'il  a  este  defendu  au  Concile  de  Chalcedoine:1)  c'est  a  dire  sans  enioindre  et  assigner  certain  office  en  quelque  Eglise,  auquel  s'employe  celuy  que  on  ordonne.  Et  puis  que  nul  ne  peult  suffire  a  plusieurs  ministeres  :  il  fauldra  aussi  oster  cest  abuz,  que  d'ores  enavant  nul  n'ayt  plus  d'une  charge  en  l'Eglise,  et  qu'on  ne  commette  point  diverses  paroisses,  ou  Eveschez  a  un  seul  homme:  selon  qu'il  a  este  interdict  au  seule  Concile  de  Chalcedoine2)  et  plusieurs  aultres.  Il  fauldra  pareillement  prendre  garde  que  les  Evesques  ne  prennent  rien  pour  leur  promotion,  et  que  nul  ne  soit  advance,  ou  pour  argent,  ou  pour  aucune  recommandation  mondaine.  Car  les  Canons  tiennent  pour  simonie  telles  insinuations  oblicques,  et  les  punissent  griefvement.  Comment  ceulx  qui  ont  office  s'en  doyvent  acquiter.  Il  fault  corriger  cest  abuz,  de  supporter  un  homme,  qui  neglige  sa  charge  et  encores  beaucoup  moins  doit  on  porter  xeulx  qui  sont  absens  de  leurs  Eglises,  pour  quelques  causes  que  ce  soit.  Car  les  Canons  et  les  loix  defendent  a  tous  Evesques  de  laisser  leurs  Eglises  longtemps,  mesmes  quand  ce  seroit  pour  le  profit  d'icelles,  et  qu'ilz  seroyent  du  conseil  estroict  de  l'Empereur.  Si  quelqu'un  deffault,  il  est  ordonne  qu'il  ne  receoyve  point  le  revenu  de  son  Eglise:  si  quelqu'un  est  absent  plus  d'un  an,  il  est  commande  de  le  deposer.  Les  mesmes  loix  et  Canons  ne  permettent  [fol.  144]  point  a  un  Evesque  de  faire  residence  perpetuelle  en  quelque  lieu  de  son  diocese  hors  son  Eglise,  ou  s'entremettre  de  quelque  affaire  quel  qu'il  soit,  d'autant,  que  par  ceste  occasion  il  seroit  empesche  et  distraict  de  sa  charge,  et  qu'il  ne  pourroit  vacquer  a  son  devoir.  Et  singulierement  veullent,  que  tous  Evesques  et  tous  clercs  soyent  tellement  libres  de  toutes  solicitudes  mondaines,  qu'il  ne  leur  soit  licite  de  prendre  tutelles  des  enfans  ou  curatelles  des  vefves.  Ces  choses  ont  este  ordonnees  en  divers  Conciles:  a  scavoir,  au  Concile  de  Nice,  can.  6;  d'Anthioche  can.  3  et  l  l  ;  Laodicee  can.  42;  Sardice  can.  3,  7,  9,  l  l  ,  12,  16;  Constantinoble  can.  6;  Chalcedoine  can.  3;  Carthage  canons  23,  57,  72,  109.  Aux  Autenticques:  Quomodo  oporteat  Episcopos.  Item,  Ne  quis  oratoria.  Item,  de  sanctissimis  Episcopis.  1)  Can.  6.  2)  Can.  10.