49:631  631  SERMONS  632  crainte  et  solicitude,  scachans  que  si  nous  le  tenions  auiourd'huy,  il  ne  souffrira  point  qu'un  tel  mespris  et  ingratitude  demeure  impunie.  Oar  selon  qu'il  se  monstre  plus  liberal  envers  nous,  c'est  raison  aussi  que  de  nostre  coste  nous  taschions  de  cheminer  comme  devant  luy:  et  que  tout  ainsi  qu'il  nous  est  Pasteur,  nous  luy  soyons  brebis,  oyant  sa  voix,  nous  rangeans  par  tout  ou  il  nous  appelle:  Si  nous  luy  sommes  sauvages,  qu'il  n'y  ait  que  rebellion  et  malice  en  nous,  il  faudra  que  nous  cognoissions  qu'il  a  habite  au  milieu  de  nous,  et  qu'il  estoit  nostre  conducteur:  mais  que  cependant  nous  avons  heurte  contre  luy.  Et  cognoissons  qu'il  est  nomme  Pierre  de  scandale,  pour  signifier  que  si  le  peuple  se  heurte  la,  ce  sera  a  sa  roine  et  confusion.  Or  maintenant  nous  scavons  comme  nostre  Seigneur  Iesus  Christ  nous  veut  gouverner.  Que  si  le  peuple  a  este  condamne  a  languir  par  l'espace  de  quarante  ans  au  desert,  nos  peschez  ne  meritent  ils  pas  que  nostre  Seigneur  nous  traitte  aussi  rudement  ou  plus?  Quand  nous  ferons  comparaison  de  nous  avec  les  Iuifs,  apres  les  avoir  bien  accusez,  il  est  certain  que  nous  trouverons  du  mal  en  nous  au  double:  et  ne  fust-ce  sinon  que  nous  sommes  moins  excusables,  d'autant  que  nous  avons  plus  de  doctrine  et  d'instruction  qu'eux  :  elle  nous  est  mieux  approuvee,  mesmes  les  exemples  de  ce  qui  leur  est  advenu  nous  doyvent  auiourd'huy  servir.  Si  nous  ne  faisons  nostre  profit  de  tout  cela,  ne  meritons  nous  pas  que  Dieu  nous  punisse  en  plus  grande  rigneur?  Or  il  y  a  d'avantage.  Car  encores  que  nos  pechez  ne  vinssent  point  en  condamnation,  si  est-ce  que  Dieu  nous  veut  esprouver,  et  faut  auiourd'huy  que  cest  examen  demeure  en  toute  nostre  vie,  cependant  que  nous  serons  au  monde.  Si  la  dessus  nous  sommes  chagrins,  et  que  nous  ne  puissions  souffrir  la  condition  a  laquelle  Dieu  nous  a  ordonnez,  que  sera-ce?  une  desfiance  que  nous  faisons  a  Dieu.  Et  bien  quand  nous  aurons  bataille  et  fait  tous  nos  esforts  a  l'encontre  de  luy,  ce  sera  pour  nous  rompre  le  col  en  la  fin.  Ainsi  que  ce  passage  nous  induise  a  nous  tenir  en  toute  sobriete  et  modestie  sous  l'obeissance  de  nostre  Dieu.  Et  au  reste,  combien  que  nous  n'ayons  pas  auiourd'huy  les  serpents  brulans  qui  nous  consument,  comme  il  en  est  advenu  a  ce  peuple  la,  et  Moyse  le  recite  :  ce  n'est  pas  que  nostre  Seigneur  mette  en  oublie  nos  fautes,  ne  qu'il  les  veuille  ensevelir.  Car  comme  desia  nous  avons  declare,  s'il  se  reserve  au  dernier  iour  la  punition,  tant  pis,  et  tant  plus  devons  nous  estre  effrayez:  car  il  vaudroit  beaucoup  mieux  qu'il  nous  exterminast,  que  d'avoir  abuse  si  longtemps  de  sa  patience  et  bonte,  et  de  nous  en  estre  mocquez.  Mais  encores  nous  avons  a  noter  un  article  en  ce  passage:  c'est  qu'en  ceste  punition  que  Dieu  fit  adonc,  il  y  eut  quelque  signe  de  misericorde,  quand  il