48:631  631  SERMONS  632  aussi  d'autre  coste  l'interpretation  n'en  doit  pas  estre  prinse  au  cerveau  de  chacun,  comme  S.  Pierre  le  monstre:  car  il  conioint  ces  deux  points  la:  Puis  que  l'Esprit  de  Dieu  a  parle  par  les  saincts  Prophetes,  il  faut  aussi  que  de  nostre  coste,  quand  nous  voudrons  comprendre  ce  qui  nous  est  declare  par  leur  doctrine,  chacun  se  demette  de  son  sens  naturel,  et  que  nous  n'apportans  pas  yci  nos  fantasies,  pour  dire,  II  me  semble  ainsi,  ie  le  cuide,  mais  que  nous  venions  avec  sobriete  et  modestie,  demandans  a.  Dieu  qu'il  nous  gouverne  et  introduise  par  son  sainct  Esprit  en  l'intelligence  de  sa  Parolle,  de  laquelle  il  est  autheur.  Voyla  donc  pour  un  item.  Et  d'autant  qu'auiourd'huy  nous  voyons  que  le  diable  a  rempli  le  monde  de  tant  de  sectes,  qu'il  y  a  beaucoup  d'heretiques  qui  ne  cessent  de  brouiller  toute  la  purete  de  l'Evangile,  et  mesmes  qu'il  y  a  tant  de  contempteurs  de  Dieu,  et  de  chiens  mastins  qui  n'ont  plus  ne  foy  ne  religion  en  eux,  tant  plus  avons  nous  besoin  de  tousiours  nous  presenter  a  Dieu  afin  qu'il  nous  illumine  en  sa  verite,  et  que  nous  soyons  tellement  unis  a  nostre  Seigneur  lesus  Christ  que  rien  ne  nous  en  puisse  separer.  Et  d'autre  coste  qu'il  nous  donne  un  Esprit  de  vertu  et  de  constance  iusques  en  la  fin  :  afin  que,  combien  que  les  ennemis  de  verite  soyent  ainsi  animez,  nous  persistions  neantmoins,  et  que  Satan  par  ce  moyen  soit  vaincu.  Et#ne  devons  pas  seulement  avoir  le  soin  de  nous,  mais  penser  soigneusement  pour  les  autres.  Il  nous  est  yci  bien  aise  auiourd'huy  de  faire  confession  de  nostre  foy:  nous  ne  voyons  pas  les  feux  allumez  comme  nos  povres  freres,  nous  n'oyons  pas  les  menaces  horribles  qui  leur  sont  faites,  nous  ne  sentons  pas  les  orages  qui  tombent  sur  leurs  testes:  mais  si  est-ce  qu'il  faut  bien  que  nous  soyons  unis  en  un  corps.  Car  pourquoy  est-ce  que  nous  sommes  assemblez,  sinon  afin  que  nous  ayons  une  vraye  fraternite  ensemble,  puis  que  Dieu  par  sa  bonte  infinie  nous  a  adoptez  pour  ses  enfans,  et  que  iournellement  il  nous  testifie  qu'il  veut  estre  nostre  Pere?  C'est  donc  bien  raison  que  nostre  solicitude  s'estende  iusques  a  ceux  qui  sont  la  comme  en  la  gueule  des  loups,  qui  sentent  iournellement  des  troubles  de  nouveau:  que  nous  ayons  telle  pitie  d'eux,  que  nous  prions  Dieu  qu'il  les  secoure  et  qu'il  les  fortifie  aux  combats,  comme  ils  en  ont  besoin:  qu'il  ne  permette  pas  que  iamais  ils  demeurent  confus,  mais  quoy  que  Satan  machine  de  tous  costez  de  ruiner  leur  foy,  que  neantmoins  ils  persistent  iusques  en  la  fin.  Et  mesmes  nous  avons  besoin  d'estre  admonestez  des  choses  comme  elles  sont  auiourd'huy:  car  si  iamais  il  y  a  eu  persecution  dressee,  elle  l'est  maintenant,  et  sur  tout  il  y  a  un  lieu  ou  la  rage  des  ennemis  de  Dieu  depuis  huit  iours  en  ca  s'est  enflammee,  tellement  qu'ils  ont  plus  d'occasion  qu'on  ne  veit  iamais  d'executer  leur